పొటాటో జ్యూస్ లో దాగివున్న హెల్త్ బెనిఫిట్స్

Posted: 04/13/2015 06:43 PM IST

బంగాళదుంపలను సాధారణ వంటకాల్లో వేసుకుని తినడం కంటే.. పొటాటో జ్యూస్ తయారుచేసుకుని తాగితే ఎన్నో ఆరోగ్య ప్రయోజనాలు పొందవచ్చునని న్యూట్రీషన్లు అంటున్నారు. ముఖ్యంగా వివిధ రకాల గ్యాస్ట్రిక్ సమస్యలు, ఎసిడిటి, అల్సర్ వంటి అనేక సమస్యలతోపాటు క్యాన్సర్ సెల్స్ తో పోరాడే లక్షణాలను కలిగి వుంటుంది. ఇంకా ఎన్నోరకాల ప్రయోజనాలు ఈ జ్యూస్ ద్వారా పొందవచ్చు.

సాధారణంగా పొటాటోను వండినప్పుడు అందులో వుండే న్యూట్రీషియన్స్ పూర్తిగా తొలిగిపోతాయి. తద్వారా దాంతో తయారుచేసుకున్న వంటకాన్ని తిన్నప్పుడు ఎటువంటి హెల్త్ బెనిఫిట్స్ పొందలేం! కాబట్టి.. పొటాటోస్ ని వండి తినడం కంటే.. వాటితో జ్యూస్ చేసుకుని నేరుగా తాగితే ఎంతో శ్రేయస్కరమని నిపుణులు సూచిస్తున్నారు. వండిన పొటాటోస్ లో కంటే జ్యూస్ లోనే అధిక మోతాదులో న్యూట్రీషియన్స్ పుష్కలంగా వుంటాయని ఆరోగ్య నిపుణులు కొన్ని పరిశోధనల ద్వారా వెల్లడించారు కూడా!

తాజా పచ్చిబంగాళాదుంప జ్యూస్‌లో క్యాన్సర్ సెల్స్‌తో పోరాడే లక్షణాలు పుష్కలంగా ఉన్నట్లు పరిశోధనలో తేలింది. ఇది శరీరంలోని ఆర్గాన్స్ డ్యామేజ్‌ను, క్యాన్సర్ సెల్స్ కారణం అయ్యే ఫ్రీరాడికల్స్‌ను నివారిస్తుంది. అలాగే ఈ జ్యూస్ కొలెస్ట్రాల్ లెవల్స్‌ను తగ్గిస్తుంది. తద్వారా హార్ట్ అటాక్ తోపాటు గుండె సంబంధిత సమస్యలును నివారిస్తుంది.