‘అల్సర్’ను దూరం చేసే ఆరోగ్య కారకాలు..

Posted: 03/07/2015 03:51 PM IST

నేటి ప్రపంచంలో వాతావరణంతోపాటు జీవనశైలిలోని ఎన్నో మార్పులుచేర్పులు చోటు చేసుకోవడం వల్ల ఆరోగ్య సమస్యల్ని ఎదుర్కోవాల్సి వస్తోంది. అందులో ముఖ్యంగా ప్రతిఒక్కరినీ పట్టిపీడుస్తున్న ఆరోగ్య సమస్య ‘గ్యాస్ట్రిక్ అల్సర్’. చిన్న ప్రేగు, అన్నవాహిక, కడుపు పైభాగంలో బాధాకరమైన నొప్పిని కలిగి ఉండటం అనేది అల్సర్‌గా భావిస్తారు.

సమయానికి ఆరోగ్యకరమైన ఆహారం తీసుకోకపోవడం, ప్రతిక్షణం చిరాకు-కోపంతో వుండటంతో నిత్యం ఎదుర్కొనే మానసిక ఒత్తిడి కారణంతో ఈ అల్సర్ సమస్య వస్తుంది. ఇలాగే కొనసాగితే ఆరోగ్యపరంగా ఎన్నో ప్రమాదాలకు ఎదుర్కోవాల్సి వస్తుంది. అయితే.. ఆహార విధానంలో మార్పులు చేసుకుంటే ఈ అల్సర్‌ను దూరం చేసుకోవచ్చునని ఆరోగ్య నిపుణులు అంటున్నారు.

1. అల్సర్ నుండి ఉపశనం కలిగించడంలో అరటిపండు అద్భుతంగా సహాయపడుతుంది. ఇందులోని పిండి పదార్థాలు కడుపు మంటను చల్లార్చుతాయి. అలాగే.. అల్సర్‌కు కారణం అయ్యే బ్యాక్టీరియాను రూపుమాపే యాంటీబాక్టీరియల్ లక్షణాలు వీటిలో వుంటాయి.

2. సిట్రస్ యాసిడ్ లేని ఆహారాలను తీసుకుంటే ఈ అల్సర్ సమస్యను త్వరగా నిరోధించుకోవచ్చు. కాబట్టి అల్సర్ తో బాధపడుతున్నారువారు యాసిడ్స్ కలిగి ఉన్నటువంటి ఆరెంజ్, టమోటో, పైనాపిల్ వంటి వాటికి దూరంగా ఉండటం మంచిది.

3. స్టొమక్ అల్సర్‌కు కారణం అయ్యే క్రిమిసంహారినిగా పెరుగులోని బ్యాక్టీరియా సహాయపడుతుంది. స్టొమక్ అల్సర్ తొలగించడానికి సహాయపడే అమైనో ఆసిడ్స్, ఎల్ గ్లుటమైన్ క్యాబేజీలో సమృద్ధిగా ఉంటాయి. ఇటువంటి ఆహారాలను తీసుకుంటే మంచి ఫలితం వుంటుంది.