వడదెబ్బ తగల కుండా మనల్ని మనం ఎలా కాపాడుకోవాలి. వడదెబ్బ తాకకుండా తీసుకోవాల్సిన జాగ్రత్తలు ఏమిటి ? వడదబ్బ లక్షణాలు ఏమిటి ? వడ దెబ్బ తాకకుండా కొన్ని చిట్కాలు మీ కోసం...
లక్షణాలు
శరీర ఉష్ణోగ్రత పెరిగిపోవడం, తలనొప్పి, వాంతులు, ఒంటి నొప్పులు, తీవ్ర నీరసం వడదెబ్బ లక్షణాలు. శక్తి కోల్పోయి వాలిపోవడం, అపస్మారక స్థితిలోకి వెళ్లడం, కళ్లు తిరిగి పడిపోవడం కూడా వడదెబ్బ వల్ల సంభవిస్తాయి. ఈ లక్షణాలు కనిపించిన వెంటనే రోగికి నాలుగు వైపులా గాలి తగిలే ఏర్పాటు చేయాలి. శరీర ఉష్ణోగ్రత 101 డిగ్రీల ఫారన్ హీట్ దిగువకు వచ్చే వరకూ చల్లటి నీటిలో తడిపిన వస్త్రంతో శరీరాన్ని తుడవాలి. వడదెబ్బకు గురైన వారిని తక్షణం వైద్యుల వద్దకు తీసుకెళ్లి, వైద్య సాయమందించాలి.
ఎండలో వెళ్లొద్దు..
వడగాడ్పులను దృష్టిలో పెట్టుకుని ఉదయం 10 నుంచి సాయంత్రం 6 గంటల వరకు తప్పనిసరైతే తప్ప బయటకు రాకుండా ఇళ్లలోనో, కార్యాలయాల్లోనో ఉండాలి. వృద్ధులు, దీర్ఘకాలిక వ్యాధులున్న వారు, పిల్లలు ఈ సూచనను విధిగా పాటించాలి. బీపీ మాత్రలు వాడేవారు మరింత జాగ్రత్తగా ఉండాలి. ఇలాంటి వారు ఎండ వేడిమి ఎక్కువగా ఉన్న సమయంలో బయటకు వెళ్లకపోవడం ఉత్తమం.
గొడుగు వాడండి..
ఇతరులు కూడా ఎండ వేళ తప్పనిసరి పరిస్థితుల్లో బయటకు వెళ్లాల్సి వస్తే వేడి నేరుగా తలపైన, మొఖంపైన పడకుండా తెల్లటి వస్త్రంగానీ, టోపీగానీ, గొడుగుగానీ ధరించాలి. పొలంలో పనిచేసే వ్యవసాయ కూలీలు తప్పనిసరిగా తలపాగా ధరించాలి.
లేత రంగులు ధరించండి
వేడిని ఆకర్షించని లేత రంగు కాటన్ దుస్తులు ధరిం చడం మంచిది. నల్లటి వస్త్రాలు వేడిని ఆకర్షిస్తాయి. అందువల్ల నల్ల రంగు దుస్తులు ధరించకపోవడం మంచిది.
నీళ్లు తాగండి..
వేసవి నుంచి ఉపశమనం కోసం ఎక్కువ మంచి నీరు తాగాలి. వేడివల్ల చెమట రూపంలో ఎక్కువ నీరు, ఉప్పు బయటకు వెళతాయి. అందువల్ల ఉప్పు కలిపిన నీరు తీసుకోవాలి. ఎండవల్ల పోయే శక్తిని తిరిగి పొందేందుకు, చల్లదనం కోసం పండ్ల రసాలు, మజ్జిగ, కొబ్బరి నీరు ఎక్కువగా తాగాలి. తాజా పండ్లు తీసుకోవడం మంచిది.
గాలి వచ్చేలా చూసుకోండి
నివాస ప్రాంతాన్ని సాధ్యమైనంత మేరకు చల్లగా ఉండేలా చూసుకోవాలి. బాగా గాలి వచ్చేలా వెంటిలేషన్ ఏర్పాటు చేసుకోవాలి. కిటికీలకు వట్టి వేళ్ల కర్టెన్లు లేదా గోనె పట్టాలు వేలాడదీసి నీరు చల్లితే చల్లని గాలి వస్తుంది.
(And get your daily news straight to your inbox)
Mar 14 | మామూలుగా మనం తీసుకునే ఆహారంలో కాంబినేషన్లకు అధిక ప్రాధాన్యతను ఇస్తుంటాం. అది అల్పాహారమైనా, విందు భోజనమైనా సరే. అలాగే పొద్దునే చాయ్-బిస్కట్ కాంబినేషన్ కూడా అందరికీ సుపరిచితమే. చాలా ఇష్టం కూడా. మీరు డైజస్టివ్... Read more
Feb 28 | ఉష్ణోగ్రతలు బాగా పెరిగిపోతున్నాయి. వాతావరణంలో వేడి బాగా పెరుగుతోంది. దాని నుంచి ఉపశమనం పొందడానికి ఇళ్లు, ఆఫీసుల్లో ఫ్యాన్లు, కూలర్లు, ఏసీలు ఉపయోగించాల్సిందే. వాటిని కొనడానికి అయ్యే ఖర్చుతోపాటు వాటి నిర్వహణ, విద్యుత్ ఖర్చు... Read more
Feb 06 | అనారోగ్యాన్ని అధిగమించేందుకు కరెక్ట్ సమయంలో భోజనం చేయటం కన్నా.. ఉత్తమమైన మార్గం ఏదీ లేదని వైద్యులు సైతం చెబుతుంటారు. అయితే బాగా లావుగా ఉన్నవారు డైట్ పేరుతో రైస్ బదులు రోటీ తినటం చూస్తుంటాం.... Read more
Jan 23 | షుగర్ వ్యాధిగ్రస్తులకు హెల్త్ కేర్ ఎంతో అవసరం. వ్యాయామం అనేది షుగర్ వ్యాధిగ్రస్తుల జీవనంలో కీలక పాత్ర పోషిస్తుంది. పరిమితంగా చేస్తే ప్రయోజనం.. మోతాదు ఎక్కువైతే అనర్థం. అందుకే తగిన జాగ్రత్తల మేరకు వ్యాయామం... Read more
Dec 20 | ఎనర్జీ డ్రింకులు అధికంగా తాగడం వల్ల బ్రెయిన్ హెమరేజ్ (మెదులో రక్తస్రావం) బారిన పడే అవకాశం ఉందని నేషనల్ ఇనిస్టిట్యూట్ ఆఫ్ హెల్త్ వెల్లడించింది. అంతేకాకుండా హృద్రోగాలు, రక్తనాళాల పనితీరు మందగించడం వంటి ఆరోగ్య... Read more