పెళ్లకొడుకు కాబోతున్న ‘రాక్షసి’ హీరో

Posted: 05/19/2015 10:51 AM IST

Naveen chandra marriage news next year family members tripura tamil telugu movies

తెలుగు సినీ ఇండస్ట్రీలో ప్రస్తుతం పెళ్లిళ్ల సీజన్ నడుస్తున్నట్లు కనిపిస్తోంది. మొన్నటివరకు సినిమాలతో ఫుల్ బిజీగా వున్న బ్యాచిలర్ హీరోలందరూ ఇప్పుడు వరుసగా ఓ ఇంటివారు అవుతున్నారు. ఇప్పటికే మంచు మనోజ్ ఈ నెల 20న ప్రణతితో, అలాగే హీరో అల్లరి నరేష్ కూడా మే 29న పెళ్లి చేసుకుని సెటిలవుతుండగా.. తాజాగా వీరి జాబితాలో మరో యంగ్ హీరో చేరిపోయాడు. అతనెవరో కాదు.. ‘అందాల రాక్షసి’ ఫేమ్ నవీన్ చంద్ర! ఈ హీరో త్వరలోనే పెళ్లిపీటలు ఎక్కబోతున్నాడని సమాచారం!

‘అందాల రాక్షసి’ సినిమా పెద్దగా హిట్ కాకపోయినా నవీన్ చంద్రకు మాత్రం మంచి గుర్తింపే వచ్చింది. అటు తమిళంతోపాటు ఇటు తెలుగులోనూ ఈ హీరోకి అవకాశాలు రావడం మొదలయ్యాయి. ప్రస్తుతం ఈ హీరో చేతిలో రెండు మూడు సినిమాలున్నాయని, ఓ వైపు తెలుగులో మరోవైపు తమిళ చిత్రాలతో ఫుల్ బిజీగా గడుపుతున్నాడని సమాచారం! ఇతను ఈ విధంగా సినిమాలతో బిజీగా వుండగా.. అటు అతని కుటుంబసభ్యులు ఇతని పెళ్లి కార్యక్రమాల్లో మునిగిపోయారు. ఈ క్రమంలోనే వారు ఓ యువతిని చూశారని.. ఆమెను ఇతడు పెళ్లాడే అవకాశం వుందని చెబుతున్నారు.

ఇప్పటివరకు అందిన సమాచారం ప్రకారం.. నవీన్ చంద్ర పెళ్లాడబోయే వధువు హైదరాబాద్కు చెందిన యువతి అని తెలుస్తోంది. ఇప్పటికే ఇరుకుటుంబాలు వీరి పెళ్లి గురించి మాట్లాడుకున్నారి, త్వరలో నిశ్చితార్థం జరిపేందుకు సన్నాహాలు జరుపుతున్నారని తెలిసింది. అయితే పెళ్లి మాత్రం వచ్చే ఏడాదేనని నవీన్ చంద్ర సన్నిహితులు తెలిపారు. ఏదేమైనా.. ఈ యువహీరో కూడా ఇప్పుడు ఓ ఇంటివాడు కాబోతున్నాడన్నమా!

ఇదిలావుండగా.. నవీన్ చంద్ర ప్రస్తుతం స్వాతి ప్రధాన పాత్ర పోషిస్తున్న ‘త్రిపుర’ చిత్రం షూటింగ్తో బిజీగా ఉన్నాడు. ఈ సినిమా తెలుగు, తమిళంలో రూపొందుతోంది. ఇక తమిళ చిత్రం శివప్పుతో పాటు మరో కోలివుడ్ చిత్రానికి సైన్ చేశాడు. అంతేకాకుండా నవీన్ చంద్ర చేతిలో రెండు, మూడు తెలుగు చిత్రాలు ఉన్నాయి. పెళ్లి సమయానికి ఆ సినిమాలన్ని పూర్తి చేసుకోవాలనే ప్లాన్లో నవీన్ వున్నాడు.