కేరళ ఆయుర్వేద పర్యాటకం బ్రాండ్ అంబాసిడర్ గా స్టెఫీ గ్రాఫ్

Posted: 06/24/2015 07:29 PM IST

కేరళ ‘ఆయుర్వేద పర్యాటకం’ బ్రాండ్ అంబాసిడర్‌గా జర్మనీకి చెందిన మాజీ నెంబర్ వన్ టెన్నిస్ క్రీడాకారిణి, టెన్నీస్ దిగ్గజం స్టెఫీగ్రాఫ్ నియమితురాలయింది. అమెను కేరళ అయుర్వేద పర్యాటకం బ్రాండ్ అంబాసిడర్ గా నియమిస్తూ.. కేరళ ప్రభుత్వం నిర్ణయం తీసుకుంది. సహజసిద్దమైన వనమూలికలతో, దివ్యౌధగుణాలు వున్న తైలాలతో కేరళ ఆయుర్వేద వైద్యం ఇప్పటికే ప్రపంచ దేశాలలో ప్రాచుర్యం సాధించింది. అయితే దీనికి మరింత గ్లామర్ ను జోడించడంతో మరింత మేలు జరుగుంతుందని కేరళ ప్రభుత్వం బావిస్తుంది.

ఇటీవలె కేరళ ప్రభుత్వం మద్య నిషేధ విధానాన్ని ప్రకటించింది. దీంతో కేరళలో పర్యాటక ఆదాయం తగ్గింది. కేరళకు వచ్చే పర్యాటకుల్లో అధికులు యూరప్ నుంచే వస్తారు. ఇప్పుడు మద్యాన్ని నిషేధించడంతో వారి రాక తగ్గిందని కేరళ ప్రభుత్వం భావిస్తోంది. దీంతో వారిని ఆకట్టకునేందుకు విఖ్యాత టెన్నిస్ క్రీడాకారిణి స్టెఫీగ్రాఫ్‌ని ప్రచారకర్తగా నియమించుకుంది. పనిలోపనిగా ఆరోగ్యానికి ఎంతో మేలు చేకూర్చే ఆయుర్వేదానికి యూరప్ దేశాల్లో ప్రాచుర్యం కల్పించాలని కేరళ ప్రభుత్వం భావిస్తోంది.

జి మనోహర్