212శాఖలు తెరవనున్న ఆంధ్రాబ్యాంకు

Posted: 01/18/2014 02:55 PM IST

Andhra bank to set up more branches end of march

దేశంలోనే అధిక లాభాలు ఆర్జంచే బ్యాంకుగా ఆంధ్రాభ్యాంకును తీర్చిద్దేందుకు సంబంధిత అధికారుల ప్రయత్నాలు ముమ్మరం చేశారు. ఇందుకోసం వచ్చే మార్చి మాసాంతానికల్లా దేశ వ్యాప్తంగా నూతనంగా మరో 212 బ్యాంకు శాఖలను, 800 ఎటిఎం సెంటర్లను ఏర్పాటు చేయనన్నారు. తద్వారా మార్చి నాటికల్లా 2.50లక్షల కోట్ల వ్యాపారాన్ని సాధించగలమన్న ధీమా వ్యక్తం చేస్తున్నారు.

గత ఏడాది చివరి నాటికే తాము 2.35 లక్షలకోట్ల వ్యాపరాన్ని నిర్వహించినట్లు వెల్లడించారు. దీనితో పాటు పరిశ్రమలను ప్రోత్సహించేందుకు గాను రుణాలు అందించే ఏర్పాట్లు చేస్తున్నామన్నారు. బ్యాంకుల్లో జరిగే లావాదేవీల సమయాన్ని మరింత తగ్గించేందుకు 110 నవశక్తి శాఖలను ఏర్పాటు చేశామని, ఈ తరహాలోనే మరో 150 శాఖలను నెలకొల్పనున్నామన్నారు.

ఇదిలా ఉండగా క్యాట్ పరీక్షలో రాష్ర్టంలో ప్రధమ స్థానం సాధించిన శివసాయి తేజకు విద్యారుణాన్ని అందించామని చెప్పారు. ఆంథ్ర బ్యాంకు వ్యవస్థాపకులు బోగరాజు పట్టాభి సీతారామయ్య కాంస్య విగ్రహాన్ని కాకినాడలోని ఆంధ్రాబ్యాంకు మెయిన్ రోడ్డ వద్ద ఏర్పాటు చేశారు. ఈవిగ్రహాన్ని ఆవిష్కరించేందుకు ఆంద్రాబ్యాంకు సిఎండి సివిఆర్ రాజేంద్రన్ వచ్చారు. ఈ సందర్భంగా ఆయన బ్యాంకు కు సంబంధించిన పలు విషయాలను వెల్లడించారు.