ఆయిల్ స్కిన్ నివారించే రెమెడీలు

Posted: 08/14/2015 04:55 PM IST

ఆయిల్ చర్మంతో తీవ్ర సమస్యల్ని ఎదుర్కొంటున్న వారికి బ్యూటీషియన్లు కొన్ని రెమెడీలు అందజేస్తారు. వాటిని రెగ్యులర్ గా అప్లై చేసుకుంటే.. చర్మం ఆరోగ్యంగా వుండటంతో ఆయిల్ స్కిన్ ను తక్షణమే నివారించుకోవచ్చు. అలాగే.. మొటిమలు, మచ్చలు, ఇతర ఇబ్బందుల నుంచి ఉపశమనం పొందవచ్చు. మరి.. ఆ రెమెడీలేంటో తెలుసుకుందామా...

* పుదీనా ఆకులు : పుదీనా ఆకులను వేడి నీళ్ళలో వేసి.. అది చల్లబడేంతవరకు అలాగే వుంచాలి. చల్లబడిన తర్వాత ఆ నీటితో ముఖం శుభ్రం చేసుకోవాలి. ఇలా కాకపోతే కాటన్ ను ఆ నీటిలో డిప్ చేసి ముఖాన్ని తుడవాలి.

* నిమ్మరసం-పుదీ-హాజల్ : ఒక చెంచా నిమ్మరసం, ఒక మింట్ టీ బ్యాగ్, రెండు చెంచాల హాజల్ తీసుకొని వేడి నీళ్ళలో వేసి మిక్స్ చేసి ఉడికించాలి. మొదట టీ బ్యాగ్ ను వేడి నీళ్ళలో వేసి కొద్దిసేపు బాయిల్ చేయాలి. టీబ్యాగ్ ను తొలగించి తర్వాత నిమ్మరసం, హాజల్ ను మిక్స్ చేసి నీటిని మరిగించాలి. మొత్తం మిశ్రమాన్ని మిక్స్ చేసి తర్వాత చల్లార్చి అందులో కాటన్ బాల్ డిప్ చేసి ముఖం, మెడను శుభ్రం చేసుకోవాలి.

* కలబంద : అలోవెర రసాన్ని పూర్తిగా తీసుకొని నేరుగా ముఖానికి అప్లై చేయాలి. తర్వాత గోరువెచ్చని నీటితో శుభ్రం చేసుకోవాలి. ఇలా చేస్తే.. సన్ బర్న్, రాషెస్ నివారించబడుతాయి.

* కీరదోస-పెరుగు : ఫ్రెష్ గా ఉండే కీరదోసకాయను మెత్తగా తురుముకొని, వాటిని పెరుగులో వేసి బాగా మిక్స్ చేసుకోవాలి. ఈ మిశ్రమాన్ని ముఖానికి అప్లై చేయాలి. 10నిముషాల తర్వాత గోరువెచ్చని నీటితో శుభ్రం చేసుకోవాలి.

* ఎగ్ వైట్ : ఎగ్ వైట్ ను తీసుకొని ముఖానికి పట్టించి అరగంట తర్వాత శుభ్రం చేసుకోవాలి. ఇలా ప్రతి రోజూ చేస్తుంటే మంచి ఫలితం ఉంటుంది.