కబడ్డీ కన్నా ఎక్కువ ఆర్ఎస్ఎస్ ఆకర్షించింది..

Posted: 11/30/2014 08:15 PM IST

యువకుడిగా తాను కబడ్డీని ఎక్కువ ఇష్టపడ్డానని.. ఆ ఆటలో భాగాంగానే వెళ్లి... ఆర్ఎస్ఎస్ సభ్యుడినయ్యానని కేంద్ర పట్టణాభివృద్ధి శాఖ మంత్రి ఎం. వెంకయ్యనాయుడు తెలిపారు. అయితే తనలో నాయకత్వ లక్షణాలను పెంచింది మాత్రం ఆర్ఎస్ఎస్ యేనని అన్నారు. తనకు యుక్త వయస్సు నుంచే ఆర్ఎస్ఎస్ బావజాలం నచ్చడంతో అమితంగా ఇష్టపడ్డానని తెలిపారు. విజయవాడలో జరిగిన ఆర్ఎస్ఎస్ నేత దుర్గాప్రసాద్ స్మారక సభలో ఆయన ముఖ్య అతిథిగా పాల్గొన్నారు. ఈ సందర్భంగా ఆర్ఆర్ఎస్లో చేరిన నాటి సంగతులతో ఆపటు దుర్గాప్రసాద్తో తనకు గల అనుబంధాన్ని వెంకయ్య ఈ సందర్భంగా గుర్తు చేసుకున్నారు. ఆర్ఎస్ఎస్ ఎప్పుడూ రాజకీయాల్లో జోక్యం చేసుకోదని వెంకయ్య తెలిపారు.

మనలో ఐక్యమత్యం లేకపోవడం వల్లే విదేశీ దాడులు జరుగుతున్నాయని వెంకయ్య ఆవేదన వ్యక్తం చేశారు. విశ్వగురు స్థానంలో భారత్ను చేర్చాల్సిన అవశ్యకతను ఈ సందర్భంగా వివరించారు. రాముడు ఆదర్శపాలకుడని... అలాంటి ఆయన్ని కూడా రాజకీయాల్లోకి లాగడం దురదృష్టకరమని వెంకయ్యనాయుడు అభిప్రాయపడ్డారు.

జి మనోహర్