బుర్రలో పురుగు నిజంగా ఉంటుందా..? తొలిచేస్తుందా..?

Posted: 11/21/2014 09:28 PM IST

Rare tapeworm found living in british man s brain after four years of pain

మన ఆలోచనలు సరిగా లేకపోతే, ఏ విషయమూ తేలకపోతే బుర్రలో పురుగు తొలిచేస్తోందంటాం కదూ. అయితే నిజంగా మన బుర్రలో పురుగు సజీవంగా వుంటుందా..? అన్న అనుమానం మాత్రం ఎప్పడు కలగలేదు. ఎందుకంటే దానినెవరూ చూడలేరు కాబట్టి. అయితే అది ముమ్మాటికీ నిజం అంటూన్నారు వైద్యులు. బ్రిటన్లో నిజంగానే ఓ వ్యక్తి బుర్రలో అత్యంత అరుదైన ఓ ఏలికపాము కనిపించింది. అది ఒకటి కాదు.. రెండు కాదు.. ఏకంగా నాలుగేళ్లుగా అతడి బుర్రలో కాపురం ఉంటోందట! దీంతో ఈ రకమైన పరాన్నజీవిని గుర్తించి, దానికి చికిత్స చేసేందుకు ఇప్పుడో కొత్త అవకాశం ఏర్పడిందని శాస్త్రవేత్తలు అంటున్నారు.

స్పిరోమెట్రా ఎరినాస్యురోపై అనే ఈ ఏలికపాము 1953 నుంచి ఇప్పటివరకు కేవలం 300 సార్లము మాత్రమే కనిపించింది. ఇక బ్రిటన్లో అయితే ఇప్పటివరకు ఇది కనిపించడం ఇదే తొలిసారి. ఈ పురుగు ఉండటం వల్ల శరీర కణజాలాల్లో వాపు వస్తుంది. ఈ లక్షణాన్ని స్పార్గానోసిస్ అంటారు. ఇది మెదడులో వచ్చినప్పుడు తలనొప్పితో పాటు.. జ్ఞాపకశక్తి కూడా పోతుంది. ఒక సెంటీమీటరు పొడవున్న ఈ పురుగును గుర్తించి తీసేలోపు అది మెదడులో కుడినుంచి ఎడమవైపు ఐదు సెంటీమీటర్ల దూరం ప్రయాణించింది.

జి.మనోహర్