ప్రధాని నరేంద్ర మోడీ మంచి మాటకారే... చేతలే..

Posted: 11/02/2014 09:13 PM IST

ప్రధాని నరేంద్ర మోదీ మంచి మాటకారిన ఆమ్ ఆద్మీ నేత అరవింద్ కేజ్రీవాల్ వ్యాఖ్యానించారు. ఆయన మాటలన్ని చేతల రూపంలోకి మాత్రం మారవని విమర్శలు గుప్పించారు. మోడీ చెతల మనిషి కాదని ఆయన దుయ్యబట్టారు. ఆయన మంచి సందేశాలు ఇస్తారని, ఆచరణ మాత్రం మందగొడిగా ఉంటుందని అన్నారు. ప్రజల ఆకాంక్షలను నెరవేరుస్తారా, లేదా అనేది పక్కన పెడితే.... గత ఐదు నెలల్లో నరేంద్ర మోదీ దేశంలో సానుకూల వాతావరణం తీసుకొచ్చారని ఒప్పుకున్నారు.

'మోదీ గొప్ప వ్యక్త. మంచి విషయాలు మాట్లాడుతున్నారు. ఆచరణ మాత్రం చాలా నెమ్మెదిగా ఉంటుంది. ఆయన మాట్లల్లో వేగం దూసుకుపోతుండగా, చేతల్లో మాత్రం అవి నత్తనడకన సాగుతున్నాయని విమర్శలు గుప్పించారు. భవిష్యత్ లో ఆయనేం చేస్తారో చూద్దాం' అని పీటీఐకి ఇచ్చిన ఇంటర్వ్యూలో కేజ్రీవాల్ వ్యాఖ్యానించారు.

జి. మనోహర్