Nannapaneni Rajakumaris Response On Sc Notices In Jagan Assets Case

Posted: 03/15/2012 11:13 AM IST

Nannapaneni Rajakumari's Response On SC Notices In Jagan Assets Case

సుప్రీం కోర్టు నోటీసులు జారీ చేసిన నేపథ్యంలో ఆరుగురు మంత్రులు రాజీనామా చేయాని, 26 జీవోల నోటీసులను సభ ముందు ఉంచాలని తెలుగుదేశం పార్టీ సభ్యులు శాసనమండలిలో పట్టుపట్టారు. దీంతో సభను మండలి ఛైర్మన్‌ చక్రపాణి సభను వాయిదా వేశారు. పదకొండు రోజుల విరామానంతరం వివిధ రాజకీయ పక్షాలు ఇచ్చిన వాయిదా తీర్మానాల అనంతరం టిడిపి పక్షనాయకులు దాడి వీరభద్రరావు సుప్రీం కోర్టు నోటీసులు జారీ చేసిన క్రమంలో ఆరుగురు మంత్రులు రాజీనామా అంశాన్ని ప్రత్యేకంగా ప్రస్తావించి ప్రసంగిస్తుండగానే టిడిపి సభ్యులు నన్నపనేని రాజకుమారి, వెంకట సతీష్‌రెడ్డి, పి.యాదగిరి వెల్‌లోకి దూసుకువచ్చి సభా కార్యకలపాలకు అంతరాయం కలిగించడంతో మండలి ఛైర్మన్‌ వాయిదా వేశారు. సభ తిరిగి ప్రారంభంకాగానే మళ్లీ దాడి మాట్లాడుతూ ఆరుగురు మంత్రులు, 8 మంది ఐఎఎస్‌ అధికారులు రాజీనామా చేయాలని పట్టుపట్టారు. దాడికి సంఘీభావంగా సభ్యులు నన్నపనేని రాజకుమారి, పి.యాదగిరి, వెంకట సతీష్‌రెడ్డి మళ్లీ వెల్‌ వద్దకు దూసుకొచ్చి తీవ్ర నిరసన వ్యక్తం చేశారు. ఛైర్మన్‌ చక్రపాణి జోక్యం చేసుకొని సభ్యులు తమ తమ సీట్లల్లో కూర్చోవాలని పలుమార్లు విన్నవించినప్పటికీ వినకుండా నిరసన తెలిపారు.