Posted: 02/07/2012 11:01 AM IST

రాష్ట్ర చరిత్రలోనే తొలిసారిగా మాజీ సైనికుడు ఒకరు మంత్రిగా బాధ్యతలు చేపట్టిన ఘనతను నలమాద ఉత్తమ్‌కుమార్ రెడ్డి సొంతం చేసుకున్నారు. నల్లగొండ జిల్లా హుజూర్‌నగర్ నియోజకవర్గానికి ప్రాతినిథ్యం వహిస్తున్న ఉత్తమ్‌కుమార్‌డ్డి గతంలో రెండుసార్లు కోదాడ ఎమ్మెల్యేగా సేవలందించారు. 1962 జూన్ 20న పురుషోత్తమడ్డి, ఉషాదేవి దంపతులకు ఆయన జన్మించారు. స్వగ్రామం నల్లగొండ జిల్లా తిరుమలగిరి మండలం తాటిపాముల. ఉత్తమ్‌కుమార్ సతీమణి పద్మావతి. పుణెలోని జాతీయ డిఫెన్స్ అకాడమీ నుంచి బీఎస్సీ పట్టా పొందారు. సీనియర్ కమర్షియల్ పైలెట్ లైసెన్సును కలిగిన ఉత్తమ్‌కుమార్‌డ్డి భారత వైమానిక దళంలో స్కాడ్రన్ లీడర్‌గా పని చేశారు. మిగ్-21, మిగ్-23 ఫైటర్ యుద్ధ విమానాలను నడిపిన అనుభవం ఉంది. 19-94 మధ్య రాష్ట్రపతి భవన్‌లో ఏడీసీ కంట్రోలర్‌గా పని చేశారు. 1994లో ఉద్యోగానికి రాజీనామా చేసి కాంగ్రెస్‌లో చేరి అదే ఏడాది కోదాడ స్థానం నుంచి అసెంబ్లీకి పోటీ చేసి ఓడిపోయారు. తదుపరి 1999, 2004 ఎన్నికల్లో కోదాడ నుంచి, 2009లో హుజూర్‌నగర్ స్థానం నుంచి గెలుపొందారు. పీసీసీ మాజీ సైనికోద్యోగుల విభాగం చైర్మన్ ఉత్తమ్‌కుమార్‌డ్డి బాధ్యతలు నిర్వహించారు. 610 జీవో అమలు కమిటీ, శాసనసభ మౌలిక వసతుల కమిటీ,, సొలార్ ఎనర్జీ అసోసియేషన్ ఆఫ్ ఇండియాకు చైర్మన్‌లుగా పని చేశారు. ప్రస్తుతం ప్రభుత్వరంగ సంస్థల చైర్మన్‌గా కూడా విధులు నిర్వహిస్తున్నారు.