వేడినీటితో ఆరోగ్య ప్రయోజనాలెన్నో...

Posted: 11/04/2014 05:49 PM IST

నిజానికి మానవ శరీరానికి నీళ్లు ఒక దివ్యౌషధంలా పనిచేస్తుంది. ప్రతిరోజూ నీటిని అధిక మోతాదులో తాగితే శరీరంలో వుండే మలినపదార్థాలు, హానికరమైన క్రిములు అప్పటికప్పుడే మటుమాయమవుతాయి. ముఖ్యంగా కిడ్రీలు ప్రతీసారి శుభ్రమవుతాయి. ఫలితంగా చాలావరకు శరీరరోగాల నుంచి దూరంగా వుండొచ్చు. అయితే వేడినీళ్లు లేదా గోరువెచ్చని నీళ్లను తాగితే మరింత ఆరోగ్యప్రయోజనాలు కలుగుతాయని ఆరోగ్య నిపుణులు పేర్కొంటున్నారు. చల్లటి నీళ్లకంటే వేడినీళ్లే మానవ శరీరానికి ఎంతో ప్రయోజనాత్మకంగా పనిచేస్తుందని వాళ్లు చెబుతున్నారు. ప్రతిరోజూ 7 నుంచి 8 గ్లాసుల నీళ్లు ఎంతో ఎఫెక్టివ్ గా వుంటాయని.. చాలావరకు రోగాలు మటుమాయమవుతాయని వాళ్లు వెల్లడిస్తున్నారు. మరి వేడినీటితో కలిగే ఆరోగ్యప్రయోజనాలెంటో తెలుసుకుందాం...

1. దగ్గు, జలుబు, గొంతునొప్పి వంటి సమస్యలు వచ్చినప్పుడు వేడినీటిని తీసుకుంటే... ఇది దాదాపు వాటిని తగ్గించడంలో ప్రముఖపాత్రను పోషిస్తుంది. ముందుగా పొడిదగ్గును తగ్గించి, శ్వాసనాళాన్ని తేలికచేసి, సరైన శ్వాస పీల్చుకునేందుకు సహాయపడుతుంది. అలాగే గొంతునొప్పిని ఓ మోస్తరు వరకు ఉపశమనం కలిగిస్తుంది.

2. వేడి నీటిని నిత్యం తీసుకుంటే.. ఇది అజీర్తి సమస్యను పూర్తిగా తగ్గిస్తుంది. అలాగే శరీరంలో వున్న మలినాలను బయటకు నెట్టివేయడంలో కీలకపాత్ర పోషిస్తుంది. వేడినీళ్లు తాగడం వల్ల శరీరంలో వేడిపుట్టి, చెమట పట్టడం ప్రారంభం అవుతుంది. దాంతో శరీరంలో వుండే టాక్సిన్స్ చెమటరూపంలో బయటకు నెట్టివేయబడుతుంది. అంటే.. ఇది డిటాక్సీగా పనిచేస్తుందన్నమాట!

3. క్రమం తప్పకుండా వేడినీళ్లు తీసుకుంటే.. ఇది శరీరాన్ని తేమగా, వెచ్చగా వుంచుతుంది. తద్వారా చర్మ ఆరోగ్య, సౌందర్య సమస్యలు దూరమవుతాయి. శరీరంలో బ్లడ్ సర్క్యులేషన్ పెంచి చర్మఛాయను అందిస్తుంది. అంతేకాదు.. ముఖంలో మొటిమలు, మచ్చలు ఏర్పడకుండా సహాయపడుతుంది. అలాగే జుట్టుకు కావాల్సిన సెల్స్, శక్తిని అందించడంలో గొప్పగా పనిచేస్తుంది. తద్వారా జుట్టురాలే సమస్య తగ్గి, ఇంకా పెరుగుతాయి.

4. వేడినీళ్లు బరువును తగ్గించడంతో ప్రముఖపాత్ర పోషిస్తుంది. ప్రతిరోజూ వేడినీటిని తీసుకుంటే.. శరీరంలో జీవక్రియలను మెరుగుపరుస్తుంది. అలాగే చర్మం కిందిభాగంలో వున్న కొవ్వుకణాలను విచ్ఛిన్నం చేయడానికి సహాయపడుతుంది.

5. వృద్ధాప్య సమస్యను నివారించడంలో దీని పాత్ర అమోఘం. ప్రతిరోజూ వేడినీళ్లు తీసుకుంటే శరీరంలో వుండే టాక్సిన్స్ బయటకు నెట్టివేయడం వల్ల చర్మకణాలను రిపేర్ చేస్తుంది. అలాగే హానికరమైన ఫ్రీరాడికల్స్ మీద ఎఫెక్టివ్ గా పనిచేస్తుంది. దీతో స్కిన్ ఎలాసిటీ పెరుగుతుంది. చర్మం కాంతివంతంగా మారుతుంది.

6. మెనుష్ట్రువల్ క్రాంప్స్ ను నివారించడంలో హాట్ వాటర్ అద్భుతంగా పనిచేస్తుంది. వేడినీటిలో కారమ్ విత్తనాలు వేసి తీసుకుంటే.. పీరియడ్స్ సమయంలో పొట్టతిమ్మర్ల నుంచి ఉపశమనం కలిగిస్తుంది. పీరియడ్స్ సమయంలో వేడినీళ్లు తీసుకుంటే పొట్ట ఉదరభాగంలోని కండరాలు మరింత తేలిక పరిచి, క్రాంప్స్ నుంచి ఉశమనం కలిగిస్తుంది.