పాక్ తో సిరీస్ కు.. బిసిసిఐ అధికారికంగా అహ్వానం

Posted: 11/14/2015 07:04 PM IST

భారత్, పాకిస్థాన్ సిరీస్ నేపథ్యంలో భారత క్రికెట్ నియంత్రణ మండలి బిసిసిఐ నుంచి తమకు అధికారికంగా అహ్వానం అందిందని పాకిస్తాన్ క్రికెట్ బోర్డు ఇవాళ స్పష్టం చేసింది. ఇరు దేశాల మధ్య గతంలో ఓప్పందం కుదుర్చుకున్నప్పటికీ.. చివరి వరకు రెండు దాయాధి దేశాల మధ్య సిరీస్ కొనసాగుతుందా అన్న సందేహాలకు తెరలేచింది. కాగా ఇవాళ పాకిస్థాన్ లో ఏర్పాటు చేసిన మీడియా సమావేశంలో పిసిబి చైర్మన్ షహర్యార్ ఖాన్ మాట్లాడుతూ.. భారత్ తో క్రికెట్ సిరీస్ అడేందుకు అధికారికంగా తమకు అహ్వానం అందిందని తెలిపారు.
 
కాగా గతంలో కదుర్చుకున్న ఓప్పందం మేరకు తటస్థ వేదికపై కాకుండా భారత్ లో ఈ సిరీస్ ను నిర్వహిస్తామని, పాకిస్థాన్ ఈ మేరకు సుముఖత వ్యక్తం చేస్తే తదుపరి సమాచారం అందించాలని వారు కోరినట్లు షహర్యార్ ఖాన్ తెలిపారు. భారత్ లోని మోహాలి, కోల్ కత్తా ఈడెన్ గార్డెన్స్ ను వేదికగా కూడా నిర్ణయించారని ఆయన తెలిపారు. అయితే తాము మాత్రం తటస్థ వేదికపైనే ఇరు దేశాల మధ్య క్రికెట్ సిరీస్ జరగాలని కోరుతున్నామని చెప్పారు. భారత్ లో తమ క్రికెట్ జట్టు సభ్యులకు అభధ్రత పోంచివుందన్న కారణంగా తాము ఈ నిర్ణయానికి కట్టుబడి వున్నామని తెలిపారు. అయితే ఇందుకు భారత్ అంగీకరించని పక్షంలో బిసిసిఐ డబ్బును కోల్పోవల్సి వస్తుందని షహర్యార్ ఖాన్ తెలిపారు.
 
జి. మనోహర్