బీసీసీఐకు ఎన్నికవుతే.. ఐపీఎల్ నుంచి తప్పుకుంటా..

Posted: 12/10/2014 03:43 PM IST

చెన్నై సూపర్ కింగ్స్ అధినేత కన్నా బీసిసిఐ అధ్యక్షుడి హోదానే బాగుంటుందంటున్నాడు భారత క్రికెట్ బోర్డు అద్యక్షుడు శ్రీనివాసన్. అల్లుడు మేయప్పన్, ఐపీఎల్ ఫ్రాంఛైజీ చెన్నై సూపర్ కింగ్స్ అంశాలు ఇండియా సిమెంట్స్ అధినేత శ్రీనివాసన్ కు సంకటంగా మారాయి. స్పాట్ ఫిక్సింగ్ అంశం శ్రీనివాసన్ ను ముందుకు వెళ్లనివ్వకుండా వెనుకకు లాగుతోంది. ఈ క్రమంలో, ఐపీఎల్ లేదా బీసీసీఐ... ఏదో ఒకటి తేల్చుకోవాలని శ్రీనివాసన్ కు సుప్రీంకోర్టు సూచించగా.. తాను బీసీసీఐ అధ్యక్షుడిగా తిరిగి ఎన్నికైతే.. ఐపీఎల్ ఫ్రాంచైసీకి దూరంగా వుంటానని శ్రీనివాసన్ సర్వోన్నత న్యాయాస్థానానికి తెలిపారు.

ఈ విషయంతో న్యాయస్థానం తీర్పు వెలువరించేంత వరకు తాను ఐపీఎల్ చెన్నై సూపర్ కింగ్స్ ఫ్రాంచైసీకి దూరంగా వుంటానని చెప్పారు. సుప్రీంకోర్టు అనుమతి లభించేంత వరకు ఐపీఎల్ వ్యవహారాల్లో కలుగజేసుకోనని సర్వోన్నత న్యాయస్థానానికి శ్రీనివాసన్ స్పష్టం చేశారు. బీసీసీఐలో తనను కొనసాగేలా చూడాలని సుప్రీంను కోరారు.

జి మనోహర్