నీరుగారిపోయిన సానియామీర్జా ఆశలు...

Posted: 01/30/2015 03:21 PM IST

Sania mirza bruno soares mixed doubles australian open semi final

భారత టెన్నిస్ స్టార్ సానియా మీర్జా పెట్టుకున్న ఆశలన్నీ ఒక్కసారిగా నీరుగారిపోయాయి. నిన్నటివరకు విజయపథంలో దూసుకెళ్లిన ఈ అమ్మడు.. నేడు ఓటమి చవిచూడాల్సి వచ్చింది. గెలుపు అంచులదాకా వెళ్లి తిరిగి వెనక్కి వచ్చేసింది. దీంతో.. ఈ అమ్మడికి దక్కాల్సిన గౌరవం మిస్ అయ్యింది.

ఆస్ట్రేలియన్ ఓపెన్’లో భాగంగా సానియా మీర్జా, బ్రూనో సొరెస్’తో కలిసి మిక్స్ డబుల్స్ పోటీల్లో పాల్గొన్న విషయం తెలిసిందే! ఈ ఓపెన్’లో ఈ జోడి మొదటినుంచి అద్భుతమైన ప్రతిభతో సెమీస్ దాకా చేరుకోగలిగారు. ప్రత్యర్థులను ముచ్చెమటలు పట్టిస్తూ సునాయాసంగా చేరిపోయారు. అయితే.. సెమీస్’లో మాత్రం ఈ జోడి ప్రత్యర్థులను ఎదుర్కోలేకపోయింది. గెలిచే అవకాశాలు వున్నప్పటికీ.. ఓటమి చవిచూడక తప్పలేదు.

సానియా-సొరెస్ ద్వయం ఫ్రెంచ్-కెనడియన్ జోడీ క్రిస్టినా మ్లదనొవిక్, డానియెల్ నెస్టర్ చేతిలో ఓడిపోయింది. మొదట్లో ఈ ఇద్దరి జోడీ మధ్య పోటీ హోరాహోరీగా సాగింది. మొదటి రౌండ్’లో సానియా జోడీ ప్రత్యర్థులను 6-3 స్కోరుతో ఓడించింది. అయితే రెండో రౌండ్’లో మాత్రం 2-6తో ప్రత్యర్థి చేతిలో చతికిలపడింది. ఇక చివరి రౌండ్లో ఇద్దరి మధ్యా గట్టి పోటీయే సాగింది కానీ.. చివరికి సానియా జోడీ 8-10తో పరాజయం పాలయ్యింది.

అయితే.. గెలుపటంచులదాకా వెళ్లి సానియా వెనక్కు తిరిగి రావడంతో భారతీయ అభిమానులు తీవ్ర అసంతృప్తిని వ్యక్తం చేస్తున్నారు. సానియా కూడా చాలా బాధగా ఫీలవుతోంది. ఈ మ్యాచ్ గెలిచివుంటే.. సానియాకు అందనంత గౌరవంతోపాటు టైటిల్ కూడా దక్కేది. కానీ.. అది సాధ్యపడలేదు. ఇదిలావుండగా.. భారత క్రీడాకారుడు లియాండర్ పేస్ - మార్టినా హింగిస్ జోడీ మిక్స్ డ్ డబుల్స్ ఫైనల్’కు చేరింది.