Posted: 12/06/2012 04:15 PM IST

భారత్ - ఇంగ్లాండ్ మధ్య ఈడెన్ గార్డెన్ లో  జరుగుతున్న మూడో టెస్టులో 270 పరుగుల ఓవర్ నైట్ స్కోరుతో బ్యాటింగ్ ప్రారంభించిన ఇండియా 316 పరుగులకే కుప్పకూలింది. తరువాత బ్యాటింగ్ కి దిగిన ఇంగ్లాండ్ ఇండియా బౌలర్లను ఉతికి ఆరేశారు. రెండో రోజు ఆట ముగిసే సమయానికి ఇంగ్లండ్ 73 ఓవర్లలో ఒక్క వికెట్ నష్టానికి 216 పరుగులు చేసింది. ఇంగ్లండ్‌ను కెప్టెన్ కుక్ భారీ స్కోరు దిశగా నడిపిస్తున్నాడు. ఓపెనర్‌గా బరిలోకి దిగిన కుక్ బాధ్యతాయుతంగా రాణిస్తున్నాడు. ఫలితంగా 236 బంతుల్లో 19 ఫోర్లు, ఒక సిక్సర్‌తో 136 పరుగులతో క్రీజ్ లో ఉన్నాడు. అయితే మరో ఓపెనర్ కాంప్టన్ 137 బంతులాడి ఆరు ఫోర్లు, ఒక సిక్సర్‌తో 57 పరుగుల వద్ద ఓఝా బంతికి పెవిలియన్ దారి పట్టాడు. ప్రస్తుతం కుక్ (136), ట్రాట్ (21) పరుగులతో క్రీజులో ఉన్నారు. ఎంతో రాణిస్తారని అనుకున్న ఫాస్ట్ బౌలర్లు నిరాశ పరిచారు. ఇదే పరిస్థితి రేపు కొనసాగితే... ఇంగ్లాండ్ భారీ స్కోరు చేయడం ఖాయంగా కనిపిస్తుంది.