విజయసాయి రెడ్డి కి పెళ్లి భయం?

Posted: 05/02/2013 11:33 AM IST

 

వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తుల కేసులో ఆడిటర్, కేసులో ఎ2 నిందితుడు విజయ సాయి రెడ్డి. ఆడిటర్ విజయ సాయి రెడ్డి బెయిల్ పిటీషన్‌ను రద్దు చేయాలని కోరుతూ సీబీఐ దాఖలు చేసిన పిటీషన్‌పై సుప్రీంకోర్టు కీలక నిర్ణయం తీసుకోనుంది. జగన్ అక్రమాస్తుల కేసులో అరెస్టు అయిన తొలి నిందితుడు విజయసాయి రెడ్డి కావడం గమనార్హం. తన కుమార్తె వివాహం ఈనెలాఖరులో జరుగనున్నందున బెయిల్ రద్దు పిటీషన్‌పై విచారణను వేసవి సెలవుల తర్వాత చేపట్టాల్సిందిగా విజయసాయి రెడ్డి చేసిన విజ్ఞప్తిని జస్టిస్ సదాశివం, జస్టిస్ ఇక్బాల్‌తో కూడిన ధర్మాసనం తోసి, విచారణను వాయిదా వేసిన విషయం తెల్సిందే. విజయసాయి రెడ్డి బయట ఉంటే దర్యాప్తును పూర్తి చేయటానికి మరింత వ్యవధి పడుతుందని కూడా పేర్కొంది. అసలు సూత్రధారి విజయసాయి రెడ్డేనని స్పష్టం చేసింది. దర్యాప్తు జరుగుతున్న కొద్దీ అనేక కొత్త విషయాలు బయట పడుతున్నట్టుపేర్కొన్నసీబీఐ.. దర్యాప్తు పురోగతిపై ఒక నివేదికను సీల్డ్ కవర్‌లో న్యాయస్థానానికి సమర్పించింది. అయితే ఇక్కడే విజయసాయి రెడ్డి కి కొత్త భయం పట్టుకుంది.

సిబిఐ కోర్టు బెయిల్ మంజూరు చేసినప్పుడు కొన్ని షరతులతో ఇవ్వటం జరిగింది. ఆయన నగరం వదిలి బయటకు వెళ్లకూడదనే ఒక నిబ్బందన ఉన్న విషయం తెలిసిందే. ఇప్పడు జరుగుతున్న బెయిల్ రద్దు పై విజయసాయి రెడ్డి గుండెల్లో రైల్లు పరుగెత్తుతున్నాయి. ఒక వేళ బెయిల్ రద్దు చేస్తే .. విజయసాయి రెడ్డి పరిస్థితి దారుణంగా మారిపోతుంది. ఆయన జైల్లో ఉండాలి? కానీ ఈనెల 26న ఆయన కూతురు పెళ్లి ఉన్నట్లు తెలుస్తోంది. పెళ్లి పనుల్లో బిజీగా ఉన్న ఆయనకు బెయిల్ రద్దు అనే మాటలు వేధిస్తున్నాయి. కూతురు పెళ్లికి ఏం చెయ్యలేని పరిస్థితి విజయసాయి రెడ్డిది. పెళ్లి కార్డులు పంచటానికి కూడా .. ఆయన వెళ్లలేని పరిస్థితిల్లో విజయసాయి రెడ్డి ఉన్నాడు. నగరం దాటి బయటకు వెళ్లలంటే తప్సనిసరిగా సిబిఐ కోర్టు పర్మిషన్ తీసుకోవాలి. అసలు కూతురు పెళ్లికి ఇంట్లో ఉంటాడో లేక జైల్లో ఉంటాడోనని ఆయన బంధువులు ఆంధోళన చెందుతున్నారు. ఈరోజు వచ్చే తీర్పుతో విజయసాయి రెడ్డికి కూతురి పెళ్లి, లేక జైలా అనేది తెలిసిపోతుందని ..కుటుంబ సభ్యులు చెప్పుకుంటున్నారు. అంతేకాకుండా.. విజయసాయి రెడ్డి సాక్షులను బెదిరిస్తున్నాడని సిబిఐ లాయర్ కోర్టుకు విన్నవించినట్లు సమాచారం.