Posted: 03/21/2013 08:24 PM IST

బాలీవుడ్ నటుడు సంజయ్ దత్ ని నమ్ముకున్న నిర్మాతలు ఇఫ్పుడు లబోదిబో అంటున్నారు. కారణం ఇప్పుడు ఆయన అక్కడ స్పీడు రేసులో దూసుకుపోతూ సినిమాలు చేస్తున్నాడు. ఇతన్ని నమ్ముకొని అక్కడి నిర్మాతలు దాదాపు 100 కోట్లకు పైగా పెట్టుబడి పెట్టారట. కానీ ఇప్పుడు ఇతను ఎప్పుడో ఇరవైయ్యేళ్ళ క్రితం అక్రమ ఆయుధాలు కలిగి ఉన్న కేసులో ఇరుక్కున్న ఆయనకు నేడు సుప్రీం కోర్టు ఐదు సంవత్సరాల శిక్షను విధించింది. గతంలో ఇదే కేసులో టాడా కోర్టు ఆరేళ్ళ జైలు శిక్షను విధించింది. దాంతో అతను దాదాపు 18 నెలలు జైలు శిక్ష అనుభవించిన అనంతరం కిందా మీద పడి బెయిల్ తెచ్చుకున్నాడు. ఇన్ని రోజుల బయట ఉన్న ఆయన సినిమాలు చేస్తూ బిజీగా గడుపుతున్నాడు. తాజాగా ఈ తీర్పుతో అతను తప్పకుండా మూడున్నరేళ్ల జైలు జీవితాన్ని గడపాలి. దీంతో ఇతన్ని నమ్ముకొని పెట్టుబడి పెట్టిన నిర్మాతలకు ఇప్పుడు ఏం చేయాలో తోచడం లేదు. అయినా కేసులు ఉన్న నటుడ్ని నమ్ముకొని ఇంత పట్టుపెడి పెట్టి ఇప్పుడు తలలు పట్టుకుంటే ఏం లాభం.