Posted: 03/05/2013 02:47 PM IST

రాష్ట్రంలోను, అటు పార్టీలోను  తన కిరణాలను  బలపరుచుకుంటున్న రాష్ట్ర ముఖ్యమంత్రి  నల్లారి కిరణ్ కుమార్ రెడ్డి తన హవా మళ్లీ చూపించారు. తనలో ఉన్న కఠినమైన స్వభవం ఏమిటో  ఉగ్రవాదులకు రుచి చూపించారు.  కరుడు గట్టిన  ఉగ్రవాదుల పాలిట మండే సూర్యుడై  వారికి చుక్కలు చూపిస్తున్నారు సీఎం కిరణ్.   ఉగ్రవాది  సయ్యద్  మక్బూల్కు 2009లో  దివంగత  ముఖ్యమంత్రి  వైఎస్ రాజశేఖర రెడ్డి  పెట్టిన  క్షమాభిక్ష పెట్టిన విషయం తెలిసిందే.  అయితే  ఇటీవల హైదరబాద్  నగరంలో  జరిగిన జంట బాంబు పేలుడు విషయంలో  నిందితుడిగా  ఉన్న  సయ్యద్ మక్బూల్  పై  ముఖ్యమంత్రి కిరణ్  తన కఠిన నిర్ణయం ఘాటుగా చెప్పటం జరిగిందని  కాంగ్రెస్ నాయకులు అంటున్నారు.  మక్బూల్  కు వైఎస్  క్షమాభిక్ష  ప్రకటించడంపై  అప్పట్లో నే  తీవ్ర విమర్శలు  వెలువెత్తాయి.  నిజానికి  దీనికి  సంబంధించిన  జీఓ 338, హోం డేటెడ్ 24-7-2009  రెమిషన్ కోసం మార్గదర్శకాలు  రూపొందించేందుకు  వైఎస్  ఉత్తర్వులు  జారీ చేశారు.  ఆ తరువాత వచ్చిన సీఎం రోశయ్య కూడా  మక్బూల్ క్షమాభిక్షను  యథాతథంగా  అమలు చేశారు.  ఇప్పడు  ముఖ్యమంత్రి  కిరణ్ కుమార్ రెడ్డి  తీసుకున్న  నిర్ణయం  సర్వత్రా, రాజకీయాలు , మతాలకు అతీతంగా  హర్షం  వ్యక్తమవుతోంది.  కిరణ్ కుమార్  తీసుకున్న నిర్ణయంతో  ఆయన ఇమేజ్ తో పాటు, పార్టీ –ప్రభుత్వ ఇమేజ్ కూడా ఆకాశమంత పెరిగిందని  కాంగ్రెస్ నాయకులు అంటున్నారు.  కఠిన నిర్ణయాలు  తీసుకునేందుకు  సాహసం కావాలి.  అందరికీ సాధ్యం కాదని,  కిరణ్ కే  సాధ్యమన్న విషయం మరోసారి రుజవయింది.  మక్బూల్ కు వైఎస్  క్షమాభిక్ష  ప్రకటించారని  తెలుసుకున్న  కిరణ్  ఆ ఫైలు , ఉత్తర్వులను తెప్పించి,  ఆధ్యయనం చేశారు.  ఒకవైపు దిల్ సుఖ్ నగర్ జంట బాంబు పేలుళ్ల  కేసులో  ఎన్ ఐ ఏ విచారణ చేస్తున్న  సమయంలోనే  కిరణ్  మక్బూల్ కు  సంబంధించిన  ఫైలును తిరగతోడి, వైఎస్  ఇచ్చిన క్షమాభిక్షను  రద్దు చేసి,  ఆ ఫైలును  హుటా హుటిన  గవర్నర్ కు  పంపించి  కీలక అంశాలలో తన పట్టుదల  , చిత్తశుద్ది  ఏమిటో మరోసారి కిరణ్  కుమార్ రెడ్డి నిరూపించుకున్నారు.  ఎవరి మాట వినని సీతయ్యగా  హైకమాండ్  వద్ద ముద్రపడిన  కిరణ్ , తనపై ఎన్ని ఒత్తిళ్లు వచ్చినా లెక్క చేయకుండా  తాను అనుకున్నది  అమలు చేసి .. రాష్ట్ర ప్రజల చేత  శభాష్ సీఎం గా పేరు తెచ్చుకుంటున్నారు.