Posted: 01/04/2013 03:28 PM IST

రాష్ట్రంలో  తెలంగాణ సమస్య కంటే మరో మతపరమైన  సమస్య బుసలుగొడుతుంది.  మత విద్వేషాలకు ఆజ్యం పోయటానికి  ఒక ఎమ్మెల్యే  రేఢీ అయినట్లు తెలుస్తోంది.  అతను మాట్లాడి తీరు పట్టి చూస్తే, రాబోయే రోజుల్లో  హైదరాబాద్  మతపరమైన ఘర్షణలు   జరుగుతాయాని  మేథావులు అంటున్నారు.   అక్బరుద్దీన్ చేసిన  వ్యాఖ్యలపై దేశమంత చర్చలు జరుగుతున్నాయి.  కాంగ్రెస్  పార్టీ నుండి విడిపోయిన తరువాత తమ పార్టీ రాజకీయ ఎదుగుదల కోసం, ముస్లీం సోదరుల వద్ద ఆ పార్టీ హీరోయిజం  చూపిస్తుందని కాంగ్రెస్ పార్టీ ఎమ్మెల్యే అంటున్నారు.  అక్బరుద్దీన్  పై ఎమ్మెల్యే  జగ్గారెడ్డి మండిపడ్డారు. రాష్ట్రం అన్ని కుల, మతాలకు అతీతంగా ప్రజలు సోదరభావంతో కలిసి మెలిసి ఉన్నారని మత విద్వేషాలను రెచ్చగొడితే ఊరుకోమని, నోరు అదుపులో పెట్టుకో ఖబడ్దార్‌ అంటూ అక్బరుద్దీన్‌ ఓవైసీపై ప్రభుత్వ విప్‌, ఎమ్మెల్యే జగ్గారెడ్డి విరుచుకుపడ్డారు. హిందూ, ముస్లింల మధ్య చిచ్చురేపేందుకు అక్భరుద్దీన్‌ వ్యాఖ్యలు చేయడం సరైనపద్ధతి కాదని ఆయన అంటున్నారు.

కేసీఆర్‌కు మంత్రిపదవి ఇవ్వలేదని అక్కసుతోనే ప్రత్యేక రాష్ట్రసాధన పేరుతో తెలంగాణ రాష్ట్ర సమితి  పార్టీని స్థాపించి తెలంగాణ ప్రజలతో  ఆడుకుంటున్నారని జగ్గారెడ్డి మండిపడినట్లు తెలుస్తోంది. మతం, ప్రాంతాల ముసుగులతో అక్బరుద్దీన్‌, కేసిఆర్‌లు రాష్ట్ర విచ్చిన్నాం చేస్తున్నారని  జగ్గారెడ్డి అంటున్నారు. రాష్ట్రంలో  అన్ని వర్గాల ప్రజలు కుల, మతాలను మరిచి ప్రశాంతంగా జీవిస్తున్నా సమయంలో అక్బరుద్దీన్, కేసీఆర్‌లు లోపాయికారి ఒప్పందం చేసుకొని రాష్ట్రాన్ని అథోగతిపాలు చేస్తున్నారన్నారు. మతాలను, ప్రాంతాలను పేరును తెరపైకి తెచ్చి వారి పార్టీల ఉనికిని కాపాడు కోవడానికి ప్రజల మధ్య లేనిపోని అపోహలు సృష్టించి విఘాతానికి పాల్పడుతున్నారని ఆవేదన వ్యక్తం చేశారు. రాష్ట్ర నాయకులు అందరు కలిసి  రాష్ట్ర అభివ్రుద్దికి పాటుపడాలని  జగ్గారెడ్డి సూచించారు.