Posted: 12/26/2012 01:31 PM IST

తెలంగాణను రాకుండా చేస్తున్న వ్యక్తులు  సీమాంద్ర నాయకులే అని  టీఆర్ఎస్ పార్టీ గొంతుచించుకొని  గావుకేకలు పెడుతున్న విషయం తెలిసిందే.  సీమాంద్ర నాయకుల వలనే తెలంగాణ  ఏర్పాటు ఆగిపోతుందని తెలంగాణ ప్రజలు, తెలంగాణ నాయకులు, తెలంగాణ మేథావులు,   అంటున్నారు.  కానీ ఇప్పుడు తెలంగాణకు అడ్డుపడుతున్న వ్యక్తి ఒకరు ఉన్నారని  తెలంగాణ కాంగ్రెస్  ఎంపీ  పొన్నం ప్రభాకర్  అంటున్నారు.  తెలంగాణ రాష్ట్ర ఏర్పాటుకు తెలంగాణ  ప్రజలు , తెలంగాణ నాయకులు  ఉద్యమాలు చేస్తుంటే,  మన రాష్ట్ర  ముఖ్యమంత్రి  కిరణ్ కుమార్ రెఢ్డి  మాత్రం తెలంగాణ ఇవ్వొద్దని ఢిల్లీ నాయకుల దగ్గర చెప్పినట్లు  పొన్నం  ప్రభాకర్  అంటున్నారు.  సీఎం తెలంగాణ ప్రజలతో  నాటకాలు ఆడుతున్నాడని, తెలంగాణ ప్రజల దెబ్బ ఏమిటో  రుచి చూపించాలని  ఆయన అంటున్నారు.  జరగపోయే అఖిల పక్ష సమావేశంలో  కాంగ్రెస్ పార్టీ  తెలంగాణ కు అనుకూలంగా చెప్పకపోతే, అప్పుడు  సీఎం తెలంగాణ దెబ్బ ఏమిటో  చూపిస్తామని  ఆయన అంటున్నారు.   సీఎం కిరణ్   ఢిల్లీకి  వెళ్లోచ్చాక  తెలంగాణ ఏర్పాటుపై   నిర్ణయం  ఆలస్యమవుతోందనే  అభిప్రాయాలు వినిపిస్తున్నాయాని  పొన్నం ప్రభాకర్ అన్నారు.   2014 వరకు తెలంగాణ పై నిర్ణయం  తీసుకోకున్నా ఫర్వాలేదని అధిష్టానం   వద్ద ముఖ్యమంత్రి  కిరణ్ కుమార్ రెడ్డి  చెప్పినట్లగా   వార్తలు  రావటమే  ఇందుకు  నిదర్శనమన్నారు.  తెలంగాణ ఉద్యమంలో   పాల్గొనవద్దని  ముఖ్యమంత్రి నుంచి  తమపై  ఒత్తిడి  ఉందన్నారు.  ముఖ్యమంత్రి కిరణ్ కూడా  రెండు నాలుకల దోరణితో  మాట్లాడుతున్నాడని  పోన్నం  అన్నారు.  సీఎం తన పదవిని కాపాడుకోవటం కోసం  తెలంగాణ ప్రజలను మోసం చేస్తున్నాడని తెలంగాణ  కాంగ్రెస్ ఎంపీ పొన్నం  ప్రభాకర్ అంటున్నారు. పొన్నం ముఖ్యమంత్రి పై ఈ ఆరోపణలు చేయటంతో  కాంగ్రెస్ పార్టీలో  కలకలం రేగుతుంది.  పొన్నం కూడా కాంగ్రెస్ పార్టీ నుండి జంప్ కావటానికి ప్లాన్ రెఢీ చేసుకున్నట్లు  కాంగ్రెస్ నాయకులు గాంధీ భవన్ లో  గుసగుసలాడుకుంటున్నారు. అందుకు  సీఎం కిరణ్ ను పావుగా వాడుకుంటున్నట్లుగా ఉందని  కాంగ్రెస్ పార్టీ  సీనియర్ నాయకులు అంటున్నారు.