Posted: 12/24/2012 06:54 PM IST

తెలుగుదేశం పార్టీ అధినేత చంద్రబాబు నాయకుడు  తెలంగాణలో పాదయాత్ర చేస్తున్న విషయం తెలిసిందే. అయితే తెలంగాణలో టీఆర్ఎస్ కోటలో  తెలుగుదేశం పార్టీ అధినేత పాదయాత్ర చేయటం కత్తిమీద సాములా నడుస్తుంది. అయితే అడపదడపా  తెలంగాణ వాదులు చంద్రబాబు పాదయాత్రకు అడ్డుతగులుతున్నప్పటికి వాటిని  లెక్కచేయకుండా చంద్రబాబు ముందుకు సాగిపోతున్నారు. అయితే ఈ రోజు కరీంనగర్ జిల్లో  బాబు పాదయాత్ర సాగుతుంది. తెలంగాణ ప్రజల్లో చంద్రబాబు పాదయాత్రకు మంచి స్పందన రావటంతో టీఆర్ఎస్ పార్టీ కొత్త ప్లాన్ వేసినట్లు తెలుస్తోంది.  బాబు పాదయాత్ర పై  తెలంగాణ వాదులు దాడి చేసేవిధంగా  టీఆర్ఎస్ వర్గాలు రెడీ చేసినట్లు టీడీపీ నాయకులు అంటున్నారు. అందులో భాగంగా ఈ రోజు కరీంనగర్ జిల్లో  చంద్రబాబు కు తెలంగాణ వాదుల సెగ తగిలింది.  ఈ విషయం ముందు గ్రహించిన చంద్రబాబు  టీఆరఎస్ పార్టీ ఆచితూచి విమర్శలు చేస్తు పాదయాత్ర చేస్తున్నారు. ఇలాంటి సమయంలో తెలంగాణ వాదులు పాదయాత్రకు అడ్డుతగటంతో  చంద్రబాబు సహానం కోల్పోయినట్లు తెలుస్తోంది. పాదయాత్రను అడ్డుకున్న తెలంగాణ వాదులపై మండిపడ్డారు.  మి నాయకుడిలా ఆరు నెలలకొకసారి  నిద్రలేసేవాడిని కాదు, మేం తలచుకుంటే  మీ అడ్రస్  ఉండదు అని చంద్రబాబు వార్నింగ్ ఇచ్చినట్లు టీడీపీ నాయకులు చెబుతున్నారు.

అంతేకాకుండా  టీడీపీ తెలంగాణకు వ్యతిరేకం కాదని గతంలో చెప్పటం జరిగిందని చంద్రబాబు అన్నారు. అయిన పదే పదే తనను తెలంగాణపై నిలదీయడం  మంచిది కాదని  ఉచిత సలహా ఒకటి తెలంగాణ వాదులు ఇచ్చారు.  చంద్రబాబు  టీఆర్ఎస్ పార్టీని ద్రుష్టిలో  పెట్టుకొని కొన్ని విమర్శలు చేయటం జరిగింది.  రాజకీయ  దురుద్దేశంతోనే  మీ నాయకుడు  మిమ్మల్ని మా పాదయాత్ర వద్దకు పంపించి గొడవ చేయమని  ఉంటారు  అందుకే మీరు ఇలా చేస్తున్నారని  ఆయన ఆవేశంగా  చెప్పినట్లు  టీడీపీ నాయకులు అంటున్నారు.  మేం తలుచుకుంటే  మీ పార్టీ అడ్రస్  ఉండదని  చంద్రబాబు హెచ్చరికాలు చేయటంతో  తెలంగాణ వాదులు వెనుతిరిగి వెళ్లిపోయినట్లు టీడీపీ వర్గాలు అంటున్నాయి. టీడీపీ వర్గాలు తెలంగాణలో  బలంగా తయరవుతున్న తరుణంలో   టీఆర్ఎస్ పార్టీ శ్రేణులు  వారిని ఎదుర్కోనే విషయంలో  వెనకడుగు వేస్తున్నట్లు  తెలంగాణ ప్రజలు గుసగుసలాడుకుంటున్నారు.