Posted: 12/21/2012 04:42 PM IST

ఇప్పుడు కాంగ్రెస్ నాయకులకు  పెద్ద తలనొప్పిగా మారింది.  జగన్ అక్రమాస్తుల  కేసు కాంగ్రెస్ పార్టీ కి పెద్ద తలనొప్పిగా మారింది.  ఎప్పుడు ఎవరి  మెడికి చుట్టుకుంటుందోనని కాంగ్రెస్ నాయకులు భయపడిపోతున్నారు.  ఇప్పటికే  ఒక మంత్రి పదవి  పోయి జైల్లో ఉన్న విషయం తెలిసిందే. ఆయనకు సీబీఐ కోర్టు బెయిల్ మంజూరు చేసింది.  ఆ మంత్రి  శబరిమల వెళ్లటానికి  బెయిల్  కోరికన విషయం తెలిసిందే. అయితే ఇప్పుడు మరో  మంత్రి  పదవికి రాజీనామా చేసి, అవమానంతో  ఎమ్మెల్యేగా పార్టీ కార్యక్రమాలకు హాజరవుతున్నారు.  మంత్రి రాజీనామా ఇంకా ఆమోదం పొందలేదు.  ఆయన రాజీనామాను కాంగ్రెస్ పార్టీ పెద్దలు ఎందుకు  ఆమోదించటంలేదో  ఆ మంత్రి అర్థంగాక .. ఇప్పటికే పదికిలోలు బరువు తగ్గినట్లు కాంగ్రెస్ నాయకులు అనుకుంటున్నారు.  ఆయన మంత్రి  ధర్మాన ప్రసాదరావు.  ధర్మం తప్పిన వ్యక్తిగా  ఇప్పుడు బయట నిలబడి చూస్తున్నాడు   ధర్మాన ప్రసాద్.  అధర్మం కోసం చేతులు చాచి  వ్యక్తిలా నిజాయితీగా రాజీనామా  నిలబడి  పార్టీ ఆమోదం కోసం ఎదురుచూస్తున్నాడు.  కానీ పార్టీ మాత్రం రాజీనామా పై నీళ్లు నములుతూ, ఎవరికి వారే తప్పించుకు తిరుగుతున్నారు. ఆయన రాజీనామా   పార్టీకి, ప్రభుత్వానికి  సంకటంగా మారిందని కాంగ్రెస్ నాయకులు అంటున్నారు. 

  రాజీనామా ఆమోదిస్తే  ఒక భాద,  ఆమోదించకుంటే ఇంకో  తంటా అన్నట్లుగా పరిస్థితి  తయరైందని కాంగ్రెస్ నాయకులు అంటున్నారు.  ఒకవేళ  క్యాబినెట్  ధర్మానకు అండగా నిలిచి, పార్టీ – ప్రభుత్వం చేతులు దులుపుకున్నాయి.  పార్టీ  అలా చేయటం వలన  ఇప్పడు ధర్మాన బంతి గవర్నర్ కోర్టులో పడింది.   గవర్నర్  తాజాగా  న్యాయ నిపుణుల సలహా  కోరినట్లు  తెలుస్తోంది.  అసలు  ధర్మాన గురించి ఇంత తలనొప్పి అవసరమా అనేది కాంగ్రెస్ నాయకుల వాదన.  అసలుధర్మారన  రాజీనామా పై  నిర్ణయం తీసుకునే హక్కు  ముఖ్యమంత్రికి ఉంది. అలాగే  గవర్నర్ కూ ధర్మాన రాజీనామా పై  ఏదో ఒక నిర్ణయం  తీసుకునే అధికారమూ ఉంది. కానీ  ఏం చేస్తే  ఏమవుతుందో   తెలియక  క్యాబినెట్, ముఖ్యమంత్రి , గవర్నర్ , ఇలా అందరూ   మాకెందుకీ  తలనొప్పి  అనుకోని నాయకులందరు పక్కకు తప్పుకోవటం జరిగినట్లు తెలుస్తోంది.  వాన్ పిక్   సంస్థలకు భూ కేటాయింపుల పై  ధర్మాన  ప్రసాదరావు ఆరోపణలు  ఎదుర్కోంటున్నారు.  కాంగ్రెస్   పార్టీ లో  సీనియర్  నాయకుడు  కావడం, సీనియర్ మంత్రి కావడమే  ధర్మాన విషయంలో  పార్టీ ప్రభుత్వం  ఎలాంటి నిర్ణయమూ తీసుకోలేని  పరిస్థితిలో ఉందని  కాంగ్రెస్ నాయకులు అంటున్నారు.