Posted: 07/14/2012 04:43 PM IST

బాలీవుడ్ లో హీరోయిన్ గా క్రేజ్ తెచ్చుకోవాలని హీరోయిన్లు ఎందుకు కలవరిస్తుంటారో తాజా ఇలియానా ఉదంతం నిరూపిస్తోంది. ఏ హీరోయిన్ అయినా ఒక్కసారిలో బాలీవుడ్ లో హాట్ గాల్ ఇమేజ్ పొందితే ఆమెకు ప్రపంచ వ్యాప్తంగా గుర్తింపు దక్కుతుందని నిరూపిస్తోంది ఇలియాన హిందీలో నటిస్తున్న ‘బర్ఫీ’ సినిమా! ఈ సినిమాలో రణ్ బీర్ కపూర్ తో ఒక లిప్ లాక్ కిస్ చేసి సెన్షేషనే సృష్టించింది ఇలియాన. ప్రస్తుతం ప్రపంచ వ్యాప్తంగా రణ్ బీర్ , ఇలియాన కిస్ గురించి మాట్లాడుకొనే వారి సంఖ్య ఓ రేంజ్ లో ఉంది.ప్రత్యేకించి యూరోపియన్ కంట్రీస్ లో ఇలియాన, రణ్ బీర్ కాంబోలో వస్తున్న సినిమా గురించి చాలా మంది చాలా ఉత్కంఠతో ఎదురుచూస్తున్నారు. ఈ ఉత్కంఠ ఒక తెలుగు సినిమాకు ప్లస్ అవుతుండటం మరో విశేషం. ప్రస్తుతానికి బర్ఫీ సినిమా ఇప్పుడప్పుడే విడుదల అయ్యే అవకాశాలు లేవు. అయితే ఈ సినిమా ఫస్ట్ లుక్ లో ఇలియాన ను చూసిన  యూరోపియన్లు ఈమెను స్క్రీన్ పై చూడటానికి చాలా ఈగర్ గా వెయిట్ చేస్తున్నారు. ఈ నేపథ్యంలో బర్ఫీ కన్నా ముందు ఇలియాన తెలుగులో నటించిన ‘జులాయి’ విడులదల కానుంది. అల్లు అర్జున్ హీరోగా నటిస్తున్న ఈ సినిమా ఆగస్టు రెండోవారంలో విడుదల అవనుంది.

ఇలియాన నటించిన సినిమా దీనిపై యూరప్ లో మంచి క్రేజ్ వచ్చింది. ఈ తెలుగు సినిమాను అనేక యూరప్ కంట్రీస్ లో విడుదల చేయడానికి డిస్ట్రిబ్యూటర్ లు ముందుకు వస్తున్నారు. అన్నీ కుదిరితే ఇలియాన పుణ్యమా అంటూ యూరప్ లో  జులాయి గంతులేసే అవకాశాలు కనిపిస్తున్నాయి. ఇలియనా గురించి కలవరిస్తున్న బీబీసీ ఆసియా సేవా విభాగం లో జులాయి పాటలు వినిపిస్తున్నాయి. మరి ఇప్పటికే మహేశ్ బాబు తన ‘అతడు’ సినిమాతో పోలాండ్  ప్రేక్షకులను ఆకట్టుకొన్నాడు. మళ్లీ ‘జులాయి’ యూరప్ లో హల్ చల్ చేసే అవకాశాలు కనిపిస్తున్నాయి. ఈ రెండు సినిమాలకూ త్రివిక్రమ్ శ్రీనివాస్ దర్శకుడు కావడం మరో విశేషం.