Posted: 05/22/2012 12:52 PM IST

త్వరలో రామ్ చరణ్ పెళ్లి రంగ రంగ వైభవంగా జరగపోతున్న  సమయంలో .. రామ్ చరణ్  దుబాయ్ పబ్ లో డ్యాన్స్ చేస్తున్నాడట. అదీ కూడా మగదీర హీరోయిన్ కాజల్ తో కలిసి డ్యాన్స్ చేస్తున్నాడట. ఇది నిజంగా కాదులేండి.. వీవీ వినాయక్ దర్శకత్వంలో  తీస్తున్న సినిమాలో ఒక పబ్ పాట ను తీశారట.  కాజల్  రామ్ చరణ్ రెండోసారి  కలిసి నటిస్తుందని  దర్శకుడు చెబుతున్నారు.

ఓపక్క హైదరాబాదులో తన వివాహానికి ఘనమైన ఏర్పాట్లు ముమ్మరంగా జరుగుతుంటే... మరోపక్క రామ్ చరణ్ ప్రస్తుతం దుబాయ్ లో ఆటాపాటల్లో మునిగి తేలుతున్నాడు. అయితే, ఇది సినిమా షూటింగు కోసమే లెండి... అవును... వీవీ వినాయక్ దర్శకత్వంలో రూపొందుతున్న చిత్రం కోసం ప్రస్తుతం దుబాయ్ లో ఓ ఆధునాతన పబ్ లో చరణ్ పై ఓ గీతాన్ని షూట్ చేస్తున్నారు. డ్యాన్స్ మాస్టర్ జానీ నృత్యాలు కంపోజ్ చేస్తున్న ఈ పాటను ఐదు రోజుల పాటు అక్కడ చిత్రీకరిస్తారు.

అనంతరం చిత్రం యూనిట్ యూరప్ కి షిఫ్ట్ అవుతుంది. అక్కడి పలు లొకేషన్లలో ముఖ్య సన్నివేశాలను చిత్రీకరించడానికి ప్లాన్ చేస్తున్నారు. ఇటు క్లాస్ నీ, అటు మాస్ నీ అలరించేలా ఈ చిత్రాన్ని తీర్చిదిద్దుతున్నామని చిత్ర నిర్మాత డీవీవీ దానయ్య చెబుతున్నారు. చరణ్ సరసన కాజల్ అగర్వాల్, అమలాపాల్ హీరోయిన్లుగా నటిస్తున్న ఈ చిత్రానికి తమన్ సంగీతాన్ని సమకూరుస్తున్నాడు.