Posted: 04/26/2012 03:22 PM IST

వైవిధ్యమైన నటుడిగా పేరు తెచ్చుకున్న యూనివర్సల్ స్టార్ కమల్ హాసన్ గారాల పట్టి శృతిహాసన్ సినిమా రంగంలో అడుగు పెట్టిన విషయం తెలిసిందే. అగ్ర హీరో కూతురు కాబట్టి కెరియర్ మొదటి నుండే పెద్ద పెద్ద స్టార్స్ తో సినిమాలు చేస్తూ వస్తుంది. ఈమె ఇప్పటి వరకు ఓ రేంజ్ హీరోల నుండి పెద్ద హీరోలతో నటించింది కానీ ఈమె నటించిన సినిమాలు అంతగా హిట్ కాలేదు. దీంతో ఈమెకు ఐరెన్ లెగ్ అనే బిరుదు కూడా ఇచ్చారు. ఈమె సినిమాలో నటిస్తుందంటే పదరు ప్రేక్షకుడు భయపడటమే కాకుండా నిర్మాత కూడా భయపడుతున్నాడట. ఈ భామ పై కోలీవుడ్ లో, టాలీవుడ్ లో చాలానే రూమర్లు వచ్చాయి. తెలుగు హీరో సిద్ధార్థతో, కోలీవుడ్ హీరో ధనుష్ తో ఎఫైర్ నడుతుందనే వార్తలు మార్కెట్లో సంచరించాయి. వాటి సంగతి ప్రక్కన పెడితే ఈ భామకు ఓ చెడ్డ అలవాటు ఉందని తాజాగా వినిపిస్తున్న వార్త.

ప్రస్తుతం ఈ భామ పవర్ స్టార్ పవన్ కళ్యాణ్ ప్రక్కన ‘గబ్బర్ సింగ్’ సినిమాలో నటిస్తుంది. ఈ సినిమా యూనిట్ వర్గాల సమాచారాం ప్రకారం ఈ భామ షూటింగ్ కు బ్రేక్ సమయంలో ఎప్పుడు చూసినా శృతిహాసన్ చేతిలో సిగరెట్ కనిపిస్తోందట. షాట్ గ్యాప్ ఉంటే చాలు సిగిరేట్ అంటిస్తుందని ఈ చిత్రం యూనిట్ సభ్యులంటున్నారు. ఒకటో రెండో అంటే ఫరవాలేదు కానీ ప్రతి 10 – 15 నిమిషాలకు ఓ సిగరెట్ కాల్చేస్తుందని అంటున్నారు. దీంతో అక్కడున్న వారు ఈమె ‘చైన్ స్మోకరా’ ? అంతలా సిగరెట్లు కాల్చేస్తుంది అని అనుకుంటున్నారు.
సింగర్, మ్యూజిక్ డైరెక్టర్, యాక్టర్ ఇలా మల్టీ టాలెంటెడ్  పర్సన్ గా  పేరుతెచ్చుకున్న శృతికి ఇదేం పాడు అలవాటని చాలామంది పెదవి విరుస్తున్నారట. మరి తన ఫ్యూచర్ కెరీర్ ను డిసైడ్ చేసే గబ్బర్ సింగ్ సినిమా హిట్ అవుతుందో లేకా ఫట్ అవుతుందో అనే టెన్షన్ తోనే తాగుతుందని అనుకుంటున్నారు.

టెన్షన్ లో శృతిహాసన్ తాగుడు శృతిమించితే కెరీరే క్లోజ్ అవుతుందేమో.... జాగ్రత్త సుమీ....