Posted: 04/03/2012 05:02 PM IST

జగన్ అక్రమాస్తుల కేసులో ఒక్క జగన్ పైనే ఛార్జీషీటు ధాఖలు చేశారు. వైయస్ తన ఆత్మబంధువుగా చెప్పుకున్న కేవీపీ రామచంద్రారావు పేరు ఎందుకు సీబీఐ ప్రస్తావించలేదని టీడీపీ నేత, మాజీ మంత్రి తలసాని శ్రీనివాస్ యాదవ్ అన్నారు. వైయస్ హయాంలో ఈయనకు తెలియకుండా ఏ నిర్ణయమూ తీసుకోలేదు. అలాంటి కేపీపీని ఎందుకు వదిలారని తలసాని శ్రీనివాస్ యాదవ్ అన్నారు. వాన్‌ పిక్‌ను ఎఫ్‌ఐఆర్‌లో చేర్చి చార్జిషీట్‌లో ఎందుకు తప్పించారో అందుకు ఎక్కడి నుంచి ఆదేశా లు వచ్చాయో చెప్పాలి. చట్టం తన పని తాను చేసుకుంటుందంటున్నారు. కానీ చట్టం ఇప్పుడు కొందరికే చుట్టం ఎలా అయింది? చార్జిషీట్‌లో పేర్లు ఎందుకు తారుమారయ్యాయో చెప్పాలి. 

వైఎస్‌ ఆత్మగా ప్రచారంలో ఉన్న కేవీపీని జగన్‌ కేసులో ఎందుకు విచారించలేదని ప్రశ్నించారు. వాన్‌పిక్‌ను తప్పించటం వెనుక ఎవరి ఒత్తిళ్లు ఉన్నాయో చెప్పాలని, లేకపోతే చట్టం కొందరికే చుట్టం అన్న అనుమానాలు ధ్రువపడతాయని స్పష్టం చేశారు. వైఎస్‌ కేబినెట్‌లో మంత్రులుగా పనిచేసిన వారినీ విచారించి, వారిపై చార్జిషీట్‌ దాఖలు చేయాలని తలసాని డిమాండ్‌ చేశారు. జగన్‌ కేసులో వారిని విచారించకపోతే అది వృథా అవుతుంది. దానికి అర్ధమే ఉండదు. ఆత్మపై విచారణ జరపకుండా ఢిల్లీ నుంచి ఒత్తిళ్లు వస్తున్నాయన్న ప్రచారాన్ని నమ్మాల్సి వస్తుంద’ని తలసాని వ్యాఖ్యానించారు. అంతేకాకుండా వైయస్ కేబినెట్లో ఉన్న మంత్రుల పై కూడా విచారణ చేపట్టాలి. లేకపోతే నేనే కోర్టువెళ్ళవలిసి వస్తుందని తలసాని శ్రీనివాస్ యాదవ్ అన్నారు.

అయితే శ్రీనివాస్ యాదవ్ జగన్ పై అభిమానంతోనే కేవీపీ పై వ్యాఖ్యలు చేవాడని, త్వరలో తలసాని జగన్ పార్టీలో చేరబోతున్నాడు కాబట్టే ఇలా మాట్లాడాడని రాజకీయ నాయకులు అనుకుంటున్నారు.