Posted: 03/03/2012 01:45 PM IST

సినిమా రంగం మొత్తం సెంటిమెంట్ తో బతికేస్తుందని హాట్ సుందరి అంటుంది. అలా ఎందుకు అంటుందంటే.. ఇటు టాలీవుడ్ గానీ.. అటు కోలీవుడ్ ..ఏదైన .. ఫలనా హీరోయిన్ తో సినిమా తీస్తే ఆ సినిమా హిట్ అవుతుందనే నమ్మకం.. బాగా ఉందని దీక్షాసేథ్ అంటుంది. అదే ఫలనా హీరోయిన్ సినిమాలో నటిస్తే ఆ సినిమా హిట్ కాదు అనే వారు చాలా మంది ఉన్నారని చెబుతుంది. అందుకే ఆ హీరోయిన్ ను ఐరన్ లెగ్ గా భావించి పుకార్లు పుట్టిస్తారని కూడా అంటుంది. ఇప్పుడు అలాంటి పుకారే దీక్షాసేథ్ మీద పుట్టడంతో ఆమె బాధపడి పోతుందని మీడియా వారు అంటున్నారు. అందు కోసం దీక్షాసేథ్ మీడియా ముందు తన గోడు ఎల్లబోసుకుంటుందని సినిమా వర్గాలు అంటున్నాయి.

సినిమా ఫ్లాప్ అయితే ముఖ్యంగా నష్టపోయేది ఇద్దరే. వారిలో మొదటివారు నిర్మాత అయితే... రెండో వ్యక్తి ఆ చిత్ర కథానాయిక. సినిమా పరాజయం వల్ల నిర్మాత ఆర్థికంగా మాత్రమే నష్టపోతాడు. కానీ హీరోయిన్ పరిస్థితి అంతకంటే దారుణం. రకరకాల పేర్లుపెట్టి పిలుస్తారు. అసలు సినిమా ఫ్లాప్ అవ్వడానికి ప్రధాన కారణం తనే అన్నట్టుగా మాట్లాడతారు. అవకాశాలు కూడా ఇవ్వరు. ఇది నిజంగా బాధాకరమైన పరిణామం’’ అంటూ వాపోయారు దీక్షాసేథ్.

ఆమె తమిళంలో నటించిన ‘రాజాపట్టై’ చిత్రం అనుకున్న స్థాయిలో ప్రేక్షకులను మెప్పించలేకపోయింది. తెలుగులో కూడా ఆమె నటించిన పలు చిత్రాలు విజయం సాధించలేకపోవడంతో కోలీవుడ్ మీడియాలో దీక్షా గురించి రకరకాలుగా నెగెటివ్ కథనాలు వెలువడ్డాయి. దీంతో మనసు నొచ్చుకున్న దీక్ష పై విధంగా స్పందించారు. ఇంకా ఆమె మాట్లాడుతూ -‘‘సక్సెస్, ఫెయిల్యూర్ ఈ రెండూ ఏ రంగంలోనైనా సహజం. కానీ నేను మాత్రం చాలా ఆనందంగానే ఉన్నాను.

ఎందుకంటే.. ఇప్పటివరకూ నేను చేసిన సినిమాలన్నీ భారీ సినిమాలే. అవి ప్రేక్షకులకు నచ్చకపోవడానికి పలు కారణాలున్నాయి. నేను కాదు. సరైన విజయం ఒక్కటి వరిస్తే చాలు.. ఇప్పుడు నా గురించి నెగెటివ్‌గా రాసినవారే.. రేపు పొగిడేస్తూ రాస్తారు. లోకం తీరే అంత. ప్రస్తుతం తెలుగులో రెబల్, ఊ కొడతారా ఉలిక్కి పడతారా చిత్రాల్లో చేస్తున్నాను. తమిళంలో శింబు హీరోగా రూపొందుతోన్న ‘వేట్టై మన్నన్’లో నటిస్తున్నాను. అన్నీ ప్రతిష్టాత్మకమైన చిత్రాలే. తప్పకుండా ఈ మూడూ నాకు విజయాలను సాధిస్తాయని నమ్మకంతో ఉన్నాను’’ అని చెప్పారు దీక్షాసేథ్