Posted: 12/26/2011 05:38 PM IST

బెజవాడ ఒకప్పుడు రౌడీయిజానికి పెట్టింది పేరుగా ఉండేది. ఎప్పటి నుండో గ్రూపు కక్ష్యలు, రాజకీయాలు ఉన్నాయి. బెజవాడలో రాజకీయ నాయకులు ఎప్పటి నుండో గ్రూపు రాజకీయాలు చేస్తున్నారు. సాధారణంగా కాంగ్రెస్ అంటేనే గ్రూపు రాజకీయలు ఉంటాయని చాలా మంది అంటుంటారు. తాజాగా ఇప్పుడు బెజవాడ ఎంపీ లగడపాటి రాజగోపాల్ వర్గంలో రగడ జరుగుతుంది.

బెజవాడ సమస్యలను మరచి వైజాగ్‌ సమస్యలను పార్ల మెంట్‌లో ప్రస్తావించడాన్ని తప్పుపడుతూ పీసీసీ కార్యదర్శి కొలనుకొండ శివా జీ చేసినవ్యాఖ్యలు బెజవాడ కాంగ్రెస్‌లో చిచ్చురేపాయి. శివాజీ వ్యాఖ్యలను తిప్పికొడుతూ నగర కాంగ్రెస్‌ కమిటీ ఆయనపై చర్యలు తీసుకోవాలని పీసీసీకి సిఫారసు చేసింది. దీనిపై ఆగ్రహించిన శివాజీ ఆత్మగౌరవం పేరుతో పలువురు నగర, జిల్లా నేత లతో ఆదివారం విజయవాడలోని ఒక హోటల్‌లో సమావేశం నిర్వహించారు. పార్టీ సీనియర్లను పట్టించుకోవటం లేదని, అన ర్హులకు పదవులను అందిస్తున్నారని, పార్ల మెంట్‌ నియోజకవర్గంలో సమస్యలను విస్మరిస్తున్నారని, సుదీర్ఘ కాలంగా పార్టీకి సేవలందిస్తోన్న వ్యక్తులకు అన్ని విధాలా ఎంపీ అవమానపరుస్తున్నారని సీనియ ర్‌ కాంగ్రెస్‌ నేతలు ఎంపీని తీవ్రంగా విమర్శించారు.

మొత్తానికి బెజవాడ కాంగ్రెస్‌లో ముసలం పుట్టిందనడంలో సందేహం లేదు. పీసీసీ కార్యదర్శి కొలనుకొండ నిర్వహించిన ఆత్మగౌరవ సభ జిల్లా కాంగ్రెస్‌ వర్గాల్లో చర్చనీయాంశంగా మారింది. ఏది ఏమైనప్పటికీ ఎంపీ లగడపాటి రాజ గోపాల్‌పై బహిరంగంగా ఆత్మగౌరవం పేరుతో విజయవాడలో సభ జరగడం ఎంపీ ఉనికికి ప్రమాదకరంగా మారుతుందా అనే ప్రశ్నలు సర్వత్రా వ్యక్తమ వుతున్నాయి.