ఇందిరాదేవి మరణం పట్ల చిరంజీవి, బాలకృష్ణ సహా ప్రముఖుల దిగ్ర్భాంతి

Posted: 09/28/2022 01:44 PM IST

టాలీవుడ్ సూపర్ స్టార్ కృష్ణ సహధర్మచారిణి, మహేశ్‌బాబు మాతృమూర్తి ఇందిరాదేవి మరణవార్తతో టాలీవుడ్ లో విషాదం అలుముకుంది. అమె మరణం పట్ల తెలుగు చలనచిత్ర పరిశ్రమకు చెందిన ప్రముఖులతో పాటు రాజకీయ రంగ ప్రముఖులు కూడా తమ సంతాపాన్ని వెలిబుచ్చారు. ఇందిరాదేవి మరణం తననెంతగానో కలచివేసిందని మెగాస్టార్‌ చిరంజీవి అన్నారు. ‘‘ఇందిరాదేవి గారు స్వర్గస్తులయ్యారనే వార్త ఎంతో కలచివేసింది. ఆ మాతృదేవత ఆత్మకు శాంతి చేకూరాలని కోరుకుంటున్నాను. సూపర్‌స్టార్‌ కృష్ణ గారికి, సోదరుడు మహేశ్‌బాబుకు, కుటుంబ సభ్యులందరికీ నా ప్రగాఢ సానుభూతిని తెలియజేస్తున్నాను’’ అని చిరు ట్విటర్‌లో పేర్కొన్నారు.

శ్రీమతి ఇందిరాదేవి గారు స్వర్గస్తులయ్యారు అనే వార్త ఎంతో కలచివేసింది. ఆ మాతృదేవత ఆత్మ కి శాంతి చేకూరాలని కోరుకుంటూ సూపర్ స్టార్ కృష్ణ గారికి , సోదరుడు మహేష్ బాబు కి , కుటుంబ సభ్యులందరికీ నా ప్రగాఢ సానుభూతిని తెలియచేస్తున్నాను.

— Chiranjeevi Konidela (@KChiruTweets) September 28, 2022

చిరంజీవితోపాటు పలువురు సినీ, రాజకీయ ప్రముఖులు సోషల్‌మీడియా వేదికగా తమ సంతాపాన్ని తెలియజేశారు. ‘‘ఘట్టమనేని కృష్ణగారి సతీమణి, మహేశ్‌బాబు మాతృమూర్తి ఇందిరాదేవి మరణం బాధాకరం. ఆమె మృతి సూపర్‌స్టార్‌ కుటుంబానికి తీరని లోటు. ఆమె ఆత్మకు శాంతి చేకూరాలని కోరుకుంటూ వారి కుటుంబసభ్యులకు నా ప్రగాఢ సానుభూతి’’ - నందమూరి బాలకృష్ణ

ఇందిరాదేవి మరణంవార్తతో తీవ్ర దిగ్భ్రాంతికి గురియ్యాను. ఘట్టమనేని కృష్ణ తన జీవిత సహధర్మచారిణిని కోల్పోవడం బాధాకరం. మహేశ్ అన్నకు మాతృవియోగం కలగడం తీరని లోటు. కృష్ణగారికి, మహేశ్ అన్నకు ప్రగాఢ సానుభూతి. ఘట్టమనేని కుటుంబసభ్యులందరికీ తన సంతాపం - నందమూరి తారక్ (జూనియర్ ఎన్టీఆర్)

Deeply saddened by the passing away of Indira Devi Garu. Deepest condolences to Krishna garu, Mahesh anna and family in this time of grief.

— Jr NTR (@tarak9999) September 28, 2022

‘‘ఇందిరమ్మ మరణ వార్త నన్ను దిగ్భ్రాంతికి గురి చేసింది. ఆమె ఆత్మకు శాంతి చేకూరాలని దేవుడిని ప్రార్థిస్తున్నాను. కృష్ణ గారు, మహేశ్‌బాబు, ఇతర కుటుంబసభ్యులందరికీ నా ప్రగాఢ సానుభూతి తెలియజేస్తున్నా’’ - బాబీ

‘‘మహేశ్‌బాబు తల్లి ఇందిరా దేవి గారు తుదిశ్వాస విడిచారు. ఆమె ఆత్మకు శాంతి చేకూరాలి. ఇలాంటి క్లిష్ట సమయంలో ఆ కుటుంబ సభ్యులందరికీ దేవుడు వాళ్లకు ధైర్యాన్ని ఇవ్వాలని ప్రార్థిస్తున్నాను’’ - మార్గాని భరత్‌

‘‘ప్రముఖ నటులు, సూపర్‌స్టార్‌ కృష్ణగారి సతీమణి ఇందిరాదేవి మృతి పట్ల సంతాపం వ్యక్తం చేస్తున్నాను. ఆమె ఆత్మకు శాంతి కలగాలని ఆ దేవుడిని ప్రార్థిస్తున్నా. వారి కుటుంబసభ్యులకు నా ప్రగాఢ సానుభూతి’’ - నారా లోకేశ్‌

‘‘సూపర్‌స్టార్‌ కృష్ణ సతీమణి, మహేశ్‌బాబు మాతృమూర్తి ఇందిరాదేవి మరణం బాధాకరం. ఆమె కుటుంబానికి నా ప్రగాఢ సానుభూతి. ఇందిరాదేవి ఆత్మకు శాంతి చేకూరాలని.. కుటుంబ సభ్యులకు మనోధైర్యం కలిగించానలి భగవంతుడిని ప్రార్థిస్తున్నా’’ - బండి సంజయ్‌

‘‘ప్రముఖ నటులు సూపర్ స్టార్ కృష్ణగారి సతీమణి, మహేశ్ బాబు గారి మాతృమూర్తి ఇందిరాదేవి మరణం తీరని లోటు. అమె ఆత్మకు శాంతి చేకూరాలి. ఘట్టమనేని కుటుంబానికి ప్రగాఢ సానుభూతి. ఈ విషాదం నుంచి కృష్ణగారు. మహేశ్ బాబు, ఆ కుటుంబసభ్యులు త్వరగా కోలుకోవాలి.’’ - పవన్ కల్యాణ్, జనసేన పార్టీ.

శ్రీ కృష్ణ గారు కుటుంబానికి ప్రగాఢ సానుభూతి - JanaSena Chief Shri @PawanKalyan pic.twitter.com/5BOY6XCHA6

— JanaSena Party (@JanaSenaParty) September 28, 2022

వీరితో పాటు సాయి ధరమ్ తేజ్, నితిన్, రామ్ పోతినేని, కాజల్ అగర్వాల్, శర్వానంద్, వెంకటేశ్ దగ్గుబాటి, రవితేజ, గోపిచంద్, కీర్తి సురేష్, రానా దగ్గుబాటి, చిత్ర పరిశ్రమకు చెందిన ప్రముఖుల, నిర్మాతలు, డిస్ట్రిబ్యూటర్లు, దర్శకులు తమ తీవ్ర విచారాన్ని వ్యక్తం చేశారు.