ఒక్క క్షణం కలెక్షన్లు.. శిరీష్ కు నిరాశ

Posted: 01/05/2018 05:10 PM IST

వరుస ఫెయిల్యూర్స్ నుంచి ఆ మధ్య ఓ హిట్ కొట్టిన అల్లు శిరీష్ ఒక్క క్షణం పై చాలా ఆశలే పెట్టుకున్నాడు. డిఫరెంట్ కంటెంట్ తో దర్శకుడు వి.ఐ.ఆనంద్ ఆడియన్స్ ను పలకరించాడు. ఆనంద్ గతంలో 'ఎక్కడికి పోతావు చిన్నవాడా' చేయడం వలన, ఈ సినిమాపై అంచనాలు పెరిగాయి. సురభి కథానాయికగా నటించిన ఈ సినిమాకి, ఒక రేంజ్ లో ప్రమోషన్స్ ను నిర్వహించారు కూడా.

కానీ ఆ అంచనాలను ఈ సినిమా అందుకోలేదని కలెక్షన్లను బట్టి తెలుస్తోంది. గతంలో శిరీష్ సినిమాలు ఇంతకంటే మెరుగ్గా వసూళ్లు రాబట్టం విశేషం. ఇంతకుముందు అల్లు శిరీష్ చేసిన 'కొత్తజంట' మొదటివారంలో 6 కోట్లను వసూలు చేస్తే, 'శ్రీరస్తు శుభమస్తు' 9 కోట్లను వసూలు చేసింది. 'ఒక్క క్షణం' ఆ వసూళ్లను అధిగమిస్తుందని అనుకున్నారు గానీ అలా జరగలేదు.

మొదటివారంలో ఈ సినిమా ఓవరాల్ గా 2.95 కోట్లను మాత్రమే రాబట్టిందని అంటున్నారు. థియేటర్స్ లో 'మిడిల్ క్లాస్ అబ్బాయి' .. 'హలో' ఉండగా రావడమే ఈ సినిమా వసూళ్లు తగ్గడానికి కారణమనే అభిప్రాయాలు వ్యక్తమవుతున్నాయి. మొత్తానికి ఢిపరెంట్ జోనర్ తో ప్రేక్షకుల ముందుకు వచ్చిన శిరీష్ కు ఓ మంచి సినిమా చేశానన్న సంతృప్తి మాత్రమే మిగిలింది.