నాగ్, సమంతల గురించి ఓంకార్

Posted: 10/09/2017 04:30 PM IST

రాజుగారి గది-2 లో నాగార్జున, సమంత పాత్రలే సినిమాకు హైలెట్ అవుతాయని దర్శకుడు ఓంకార్ చెబుతున్నాడు.రాజు గారి గది 2 చిత్రం ఈ నెల 13న విడుదల కానున్న విషయం తెలిసిందే. ఈ సందర్భంగా ఓంకార్ వారి పాత్రల గురించి చాలా ఎగ్జయిటింగ్ గా ఉన్నాడు.

అయితే ఆత్మ పాత్రలో సమంత నటిస్తున్న విషయం నాగార్జునకు ముందుగా తెలియదని.. షూటింగ్ లో జాయిన్ అయ్యే ముందే ఆయనకు తెలిసిందని ఈ చిత్ర దర్శకుడు ఓంకార్ అన్నారు. తాను రాసుకున్న కథలో ముందు నాగార్జునను తీసుకున్నాం. ఆ తర్వాతే అంటే ఓ నెల రోజుల తర్వాత సమంత వచ్చిందని చెప్పారు. ఈ సినిమాలో నాగార్జున నటిస్తున్నట్టు సమంతకు తెలుసని ఓంకార్ చెప్పాడు. ‘రాజు గారి గది 2’లో ఆత్మ క్యారెక్టర్ లో సమంత నటన అద్భుతమని, ఆమె కెరీర్ లోనే మంచి చిత్రంగా నిలిచిపోతుందని అభిప్రాయపడ్డారు. ఈ చిత్రం క్లైమాక్స్ లో నాగార్జున, సమంత నటన అందరినీ ఆకట్టుకుంటుందని,ధీమాతో ఉన్నాడు.

రాజు గారి గదిలాగే సీక్వెల్ రాజు గారి గది 2లో కూడా మెస్సేజ్ ఉంటుందని తెలిపాడు. మన చుట్టూ ఉన్న స్త్రీలను గౌరవించాలనేదే ఈ చిత్రంలో మెస్సేజ్ అని చెప్పుకొచ్చారు. బాలీవుడ్ ధూమ్ సిరీస్ ఏ విధంగా విజయవంతమైందో, ‘రాజుగారి గది’ సిరీస్ కూడా సక్సెస్ అవుతుందని ధీమాగా చెప్పారు. ఈ సిరీస్ లో రాజుగారి గది 3, 4 కూడా ఉంటాయని చెప్పాడు.