బాలయ్య 102లో మరో ఇద్దరు హీరోయిన్లు

Posted: 09/04/2017 04:13 PM IST

నందమూరి బాలకృష్ణ పైసా వసూల్ థియేటర్లలో సందడి చేస్తుండగానే.. మరోవైపు 102వ సినిమా షూటింగ్ లో బిజీగా ఉన్నాడు. ప్రస్తుతం హైదరాబాద్ - రామోజీ ఫిల్మ్ సిటీలో జరుగుతోంది. దర్శకుడు కె. ఎస్. రవికుమార్ కొన్ని ముఖ్యమైన సన్నివేశాలను అక్కడ తెరకెక్కిస్తున్నారు. ఇక ఈ చిత్రంలో ముగ్గురు కథానాయికలు నటించబోతున్నారన్న టాక్ వినిపిస్తోంది.

ఒక కథానాయికగా నయనతారను ఎంపిక చేసుకున్నారు. ఆల్రెడీ ఆమె ఈ సినిమా షూటింగులో పాల్గొంటోంది. ఇక రెండవ కథానాయికగా 'నటాషా దోషి'ని ఎంపిక చేసినట్టుగా సమాచారం. కథానాయికగా నటాషా దోషికి మలయాళంలో మంచి గుర్తింపు వుంది. హైడ్ అండ్ సీక్, మాంత్రికన్, నయన చిత్రాలు ఆమెకు మంచి గుర్తింపును తెచ్చిపెట్టాయి.

ఈ నేపథ్యంలోనే ఆమె బాలకృష్ణ సినిమాతోనే ఆమె తెలుగు తెరకి పరిచయమవుతోంది. త్వరలోనే ఆమె ఈ సినిమా షూటింగులో జాయిన్ కానుందని అంటున్నారు. ఇక మూడవ కథానాయికగా ఎవరిని తీసుకుంటారో చూడాలి. జయసింహా అనే టైటిల్ పరిశీలనలో ఉన్న ఈ చిత్రం సమ్మర్ బరిలో నిలవనుంది.