మోహన్ లాల్ భారతంలో కర్ణుడు.. నాగ్ క్లారిటీ

Posted: 05/24/2017 10:43 AM IST

Nagarjuna clarity on karna role in mahabharata

ఇండియాలో ఇప్పటిదాకా తెరకెక్కిన హయ్యెస్ట్ బడ్జెట్ సినిమాల సంగతి ఏమోగానీ మోహన్ లాల్ ప్రధాన పాత్రలో తెరకెక్కుతున్న మహాభారతం మాత్రం అక్షరాల 600 కోట్ల పై చిలుకు బడ్జెట్ తోనే తీయబోతున్నారన్నది మాత్రం పచ్చి నిజం. ప్రస్తుతం స్క్రిప్ట్ పనులు, కాస్టింగ్ ఎంపికలో బిజీగా ఉన్న మేకర్లు ఈ యేడాది చివర్లోనే షూటింగ్ ప్రారంభించాలని డిసైడ్ అయిపోయారు.

ఇదిలా ఉంటే రంధమూజం(రంధమూలం) అనే నవల భీముడి ని హైలెట్ చేస్తూ నడుస్తుంది. అయినప్పటికీ భారతంలోని ఫ్లేవర్ ఎక్కడా మిస్ కాకుండా చూస్తానని దర్శకుడు శ్రీకుమార్ మీనన్ చెబుతున్నాడు. ఇప్పటిదాకా కేవలం మోహన్ లాల్ రోల్ భీముడిగా కన్ఫర్మ్ కాగా, ఇప్పుడు మరో రోల్ కి నాగ్ ను సంప్రదించారనే విషయంలో స్పష్టత వచ్చింది. రారండోయ్ వేడుక చూద్దాం ప్రమోషన్ లో భాగంగా తన నెక్ట్స్ ప్రాజెక్టుల గురించి చెప్పుకొచ్చిన నాగ్ మహాభాతరం సినిమా గురించి కూడా ప్రస్తావించాడు.

సినిమాలో కర్ణుడి రోల్ కోసం తనని సంప్రదించారని, దానికి తాను అంగీకారం తెలిపానని, స్క్రిప్ట్ పనులయ్యాక మళ్లీ కలవమని చెప్పాని చెప్పాడు. ఇక ఈ సినిమా ఆలోచన ఇప్పటిది కాదని, నాలుగేళ్లుగా ఈ సినిమా కోసం ప్ర‌య‌త్నాలు జ‌రుగుతూనే ఉన్నాయని వివరించాడు. మిగతా రోల్స్ లో ఎవరిని తీసుకున్నారన్న దానిపై తనకు కూడా క్లారిటీ లేదని అమీర్ కృష్ణుడి రోల్ ప్రశ్నకు సమాధానమిచ్చాడు నాగ్. అయితే ఏ చిన్న రోల్ అయినా ఫర్వాలేదని నాగ్ చెప్పటంతో కర్ణుడికి బెటర్ ఛాయిస్ దొరికితే క్యారెక్టర్ మారే అవకాశం లేకపోలేదు.