తాగుబోతు కామెంట్లపై హేమామాలిని రియాక్షన్

Posted: 04/15/2017 12:42 PM IST

Hema malini reaction on bachchu comments

అన్నదాతలు తాగి ఆత్మహత్యలు చేసుకుంటున్నారన్న కథనాల అనంతరం హేమా మాలిని తోసహా దేశంలోని ఎంపీలందరూ రోజూ తెగ తాగుతుంటారంటూ, అయినా సూసైడ్ చేసుకోలేదు కదా అంటూ ఓ స్వతంత్ర్య ఎమ్మెల్యే వివాదాస్పద వ్యాఖ్యలు చేసిన విషయం తెలిసిందే.

మహారాష్ట్రకు అచలాపూర్ ఎమ్మెల్యే బచ్చు కదు చేసిన ఈ కామెంట్లు మీడియాలో తెగ వైరల్ అయ్యాయి. దీంతో మధుర ఎంపీ మాలిని స్పందించింది. పబ్లిసిటీ స్టంట్ కోసమే బచ్చు అలాంటి వ్యాఖ్యలు చేసి ఉంటాడని ఆమె అభిప్రాయం వ్యక్తం చేసింది. దేవుడే అతన్ని రక్షించాలని ఆమె ఆశాభావం వ్యక్తం చేస్తూ ఈ విషయంలో ఇంతకు మించి ముందుకు వెళ్లదల్చుకోలేదని ఆమె తెలిపింది.

ఓం ప్రకాశ్ బాబురావ్ కదు అలియాస్ బచ్చు కదు కు వివాదాలు కొత్తేం కాదు. గతంలో కూడా ఓసారి హేమా మాలినే టార్గెట్ చేస్తూ ఓ నిరసన ప్రదర్శన నిర్వహించాడు. షోలో సినిమాలో ఓ సీన్ ను ప్రేరణగా తీసుకుని 2006 డిసెంబర్ లో తన కార్యకర్తలతో కలిసి వాటర్ ట్యాంక్ ఎక్కి సూసైడ్ చేసుకుంటానని బెదిరిస్తూ పెట్టిన టెన్షన్ అంతా ఇంతా కాదు.కాగా, అతనిపై చర్యలు తీసుకునేందుకు శాసనసభ క్రమశిక్షణా కమిటీ సిద్ధమైపోతుంది.