క్రిష్ కి ఫోనా? తారకా?... ఎవరు చెప్పారు?

Posted: 10/26/2016 09:25 AM IST

నందమూరి నటవారసుడిగా బాలయ్య అప్పుడెప్పుడో క్రియేట్ చేసిన రికార్డులను, గ్యారేజ్ తో జూనియర్ రాముడు బద్ధలు కొట్టేశాడు. అయితే సదరు రికార్డుల గురించి ఎక్కడా ప్రస్తావన తేకుండానే తారక్ ఆ సక్సెస్ ఎంజాయ్ చేసేశాడు కూడా. అప్పుడెప్పుడో అదుర్స్ సినిమా టైంలో కలుసుకున్న ఈ బాబాయ్-అబ్బాయ్ లు కుటుంబ అంతర్గత కలహాలతో దూరం అయ్యారు. మళ్లీ ఎప్పుడెప్పుడు కలుసుకుంటారా అని అభిమానులంతా ఆత్రుతగా ఎదురు చూస్తున్నారు. ఈ క్రమంలో ఓ న్యూస్ తో అభిమానులు.. వాళ్ల నోట్లో పంచదార పోసినట్లుగా ఫీలయిపోయారు.

శాతకర్ణి టీజర్ చూసి ఇంప్రెస్ అయిన ఎన్టీఆర్ సన్నిహితులతో అదరిపోయిందని ప్రస్తావించాడని, ఆ రోల్ బాలయ్య తప్ప ఇంకెవరు చేయలేరని పొగిడాడని, మొత్తం బాలయ్య వందో చిత్రంపై యంగ్ టైగర్ చాలా ఎక్సయిట్ అవుతున్నాడని ఓ కథనం. ఇప్పుడేమో క్రిష్ కు ఫోన్ కాల్ చేసి కొన్ని క్లిప్ లను చూపించాలని కోరినట్లు కొన్ని మీడియాలు ప్రచురించాయి. మరి అదసలు నిజమేనా అన్న ప్రయత్నాలు చేయాలి కదా. అధికారికంగా తెలిసిందేంటంటే... అదంతా క్రియేటి విటి అని.

బాలయ్య-తారక్ లు కలవాలని కోరుకుంటున్న ఓ ఫ్యాన్స్ వర్గం ఈ వార్తను కొన్ని వెబ్ సైట్లకు చేరవేస్తే వారు తిప్పి.. తిప్పి... తెగ వైరల్ చేసేశారు. ఆ లెక్కన బాబాయ్ కి ప్రేమతో ఇప్పట్లో లేదన్నమాట. అయినా బాబాయ్ తో ఎటువంటి గొడవలు లేవని ఎన్టీఆర్ చెబుతున్నప్పటికీ, నందమూరి ఇగోలు తెలిసి కూడా ఓపెన్ గా వారు కలిసేంత వరకు ఇలాంటి వార్తల జోలికి వెళ్లకపోవటమే చాలా బెటర్.