రానాతో చరిత్ర సృష్టించబోతున్నాడా?

Posted: 07/13/2016 09:40 AM IST

మాములు ప్రేమకథలను చాలా ఢిపరెంట్ కాన్సెప్ట్ లతో తీస్తుంటాడు దర్శకుడు తేజ. అయితే ఒకప్పుడు ఎలాగోలా అడ్జస్ట్ అయిన ప్రేక్షకులకు రాను రాను ఆ ఫార్ములా చాలా బోర్ కొట్టేసింది. దీంతో ఎప్పటికప్పుడు పంథాలు మారుస్తున్నానంటూ టార్చర్ సబ్జెక్టులతో సహనాన్ని పరీక్షించాడు. ఈ క్రమంలో హ్యాండ్సమ్ హంక్ రానాతో సినిమా అంటే ఎవరికైనా ఆశ్చర్యం కలగాల్సిందే.

పైగా కాజల్ అగర్వాల్, కేథరిన్ లాంటి హీరోయిన్లతో తీసుకోవటంతో చిత్రంపై ఆసక్తి నెలకొనేలా చేస్తోంది. ఇక ఈ చిత్రం రానా గతంలో వచ్చిన లీడర్ లాగే రాజకీయ నేపథ్యంలో ఉండబోతుందట. అదే టైంలో వినోదాత్మక ప్రేమకథగా తేజ దీనిని తెరకెక్కించనున్నాడని సమాచారం.

ఈ చిత్రానికి చరిత్ర అనే టైటిల్‌ను ఫిక్స్ చేసినట్లు తెలుస్తోంది. గ్రామీణ నేపథ్యంలో తీయబోయే ఈ చిత్రం కోసం ప్రస్తుతం సెట్స్ వేసే పనిలో బిజీగా ఉన్నారంట. సెప్టెంబర్ లో ఈ చిత్రం షూటింగ్ ప్రారంభమయ్యే అవకాశం ఉంది.  

-భాస్కర్