తలైవా కోటి కహానీ తెలుసా?

Posted: 06/28/2016 03:13 PM IST

తాను  నటించిన సినిమాలు ఆర్థిక వ్యవహారాల్లోనే కాదు, ఆపదలో ఉన్న వ్యక్తులకు సైతం తన సొంత జేబులోంచి డబ్బులు పెట్టి ఆదుకుంటుంటాడు సూపర్ స్టార్ రజనీకాంత్. ఒకానోక టైంలో తలైవా ఆ మంచితనమే ఆయన్ను ఇబ్బందులకు గురిచేస్తుంటుంది కూడా. తాజాగా గతంలో ఆయన ఇచ్చిన ఓ హామీ వ్యవహారంపై రచ్చ అవగా, ఆ కథ సుఖాంతమే అయినట్లు తెలుస్తోంది.

విషయం ఏంటంటే... నదుల అనుసంధానం కోసం స్వచ్ఛందంగా స్పందించిన రజనీ కోటీ రూపాయల విరాళం ఇస్తానని అప్పట్లో ప్రకటించారంట. ఆ సాయం కోసం రైతు సంఘాలు అప్పటి నుంచి కాచుకుని చూస్తున్నాయి. అది కేవలం అది నోటి మాటగానే చెప్పారా అంటూ నిలదీస్తూ ఆయన ఇంటి ఎదురుగా ధర్నా చేసేందుకు వారు సిద్ధమైపోయారు కూడా. అయితే ఆ సాయం రజనీ ఎప్పుడో చేసేశారని సమాచారం.

కబాలి రిలీజ్ అవుతున్న నేపథ్యంలో ఆయన సోదరుడు సత్యనారాయణ తంజావురులోని శ్రీ బహదీశ్వరర్ ఆలయంలో ప్రత్యేక పూజలు నిర్వహించాడు. ఈ సందర్భంగా మీడియా ఈ విషయమై ఆయన ఆరా తీసింది. స్పందించిన ఆయన ఆ నగదును బ్యాంకు అకౌంట్లో ఎప్పుడో డిపాజిట్ చేసేశాం. ప్రభుత్వం పనులు ప్రారంభించడమే ఆలస్యం. సరైన సమాచారం లేకనే రైతు సంఘాలు నిరసనకు దిగేందుకు సిద్ధమయ్యాయని చెప్పారు. పనిలో పనిగా రజనీ ఆరోగ్య స్థితిపై వస్తున్న రూమర్ల ను కూడా సత్యనారాయణ కొట్టిపారేశాడు.