అందంతో భయపెడుతోంది...!

Posted: 06/22/2016 11:31 AM IST

తెలుగులో ఈమధ్యే వరుస సినిమాలతో స్టార్ హీరోయిన్‌గా ఎదుగుతోన్న రెజీనా, ఇప్పటివరకూ ఎక్కువగా గ్లామర్ పాత్రలతోనే మెప్పిస్తూ వచ్చింది. అయితే తాజాగా ఆమె తన కొత్త సినిమాలో ఓ సరికొత్త పాత్రలో కనిపించనున్నట్లు తెలుస్తోంది. సెల్వ రాఘవన్ దర్శకత్వంలో తెరకెక్కే రొమాంటిక్ థ్రిల్లర్‌లో హీరోయిన్‌గా నటించనున్న రెజీనా, ఆ సినిమాలో ఓ దయ్యంగా కనిపిస్తోంది. ఈ సినిమా షూటింగ్ ని దాదాపుగా పూర్తి చేసేశారు.

ప్రముఖ దర్శకుడు గౌతమ్ మీనన్ నిర్మిస్తోన్న ఈ సినిమాలో ఎస్.జె.సూర్య, నందిత శ్వేత ఇతర ప్రధాన పాత్రల్లో నటిస్తున్నారు.  ఈ సినిమాను గౌతమ్ మీనన్, సెల్వ రాఘవన్ సౌతిండియాలో ఓ కొత్త ప్రయోగంగా ప్రచారం చేస్తున్నారు. ఈ సినిమాకి సంబంధించిన ఫస్ట్ లుక్ పోస్టర్ ని రిలీజ్ చేశారు. తమిళంలో 'నెహమ్ మరపుదిల్లై' అనే పేరు మీద ఈ సినిమా విడుదల కానుంది. ఇక కొన్నాళ్ళుగా సరైన హిట్ లేక బాధపడుతోన్న సెల్వ రాఘవన్ ఈ సినిమాతో తన సత్తా చాటతాడనే కోలీవుడ్ వర్గాలు చెప్పుకుంటున్నాయి.

- మూర్తి