చెన్నై మహిళలకు అండగా నిలుస్తున్న నయనతార

Posted: 12/12/2015 04:15 PM IST

Nayanthara joins hands with mathrubhumi for helping chennai womens

అందాల భామ నయనతార తనను ఆదరిస్తున్న తమిళ ప్రజలకు తనవంతు సాయంగా ఇప్పటికే 20 లక్షల విరాళాన్ని అందించింది. చెన్నై వరద బాధితులు గతకొద్ది రోజులుగా నానా అవస్థలు పడుతున్నారు. వీరికి అండగా ఇప్పటికే చాలా మంది విరాళాలు అందించడంతో పాటు సహాయక కార్యక్రమాల్లో పాల్గొంటున్నారు.

ఈ విషయంలో వరద బాధిత మహిళలకు దుస్తులు పంపిణీ చేయడానికి ప్రముఖ మలయాళ పత్రిక మాతృభూమి ‘సహోదరిక్కు సస్నేహం’ (సోదరికి ప్రేమతో)అనే కార్యక్రమాన్ని చేపట్టింది. ఈ కార్యక్రమంలో భాగంగా ఈ పత్రికతో నయనతార చేతులు కలిపి, తనవంతు సాయాన్ని అందించింది.

మహిళల దుస్తులకు సంబంధించిన 1000 కిట్లను వారికి అందించింది. ఇప్పటికే 20 లక్షల విరాళాన్ని అందించినా కూడా.. ఇంకా తనకు తోచిన విధంగా సాయం చేస్తూ, ప్రజలకు అండగా నిలుస్తున్న నయనతారను చూసి అందరూ అభినందిస్తున్నారు.