పవన్ కళ్యాణ్ చెల్లెలికి పెళ్లయ్యింది

Posted: 12/07/2015 03:20 PM IST

Actress sandhya got married to venkat chandrasekharan

‘ప్రేమిస్తే’ సినిమాతో తెలుగు ప్రేక్షకులకు దగ్గరయ్యి, పవర్ స్టార్ పవన్ కళ్యాణ్ ‘అన్నవరం’ చెల్లెలుగా తెలుగులో గుర్తింపు దక్కించుకున్న సంధ్య పెళ్లి చేసేసుకుంది. 27 ఏళ్ల ఈ అమ్మడు చెన్నైలోని ఓ ఐటి స్పెషలిస్ట్ వెంకట చంద్రశేఖరన్ ను శనివారం వివాహం చేసుకున్నారు.

చెన్నై నగరమంతా వరద నీటితో సతమతమవుతున్నందువల్ల ఈ జంట గురువయార్ వరకు వెళ్లి అక్కడ వివాహం చేసుకొని, ఆదివారం చెన్నైకి తిరిగొచ్చారు. చెన్నైలో వరద తాకిడి ఇంకా తగ్గకపోవడంతో రిసెప్షన్ వేదికను కేరళకు మార్చారు.

‘ప్రేమిస్తే’ తర్వాత సంధ్య తెలుగులో పలు చిత్రాల్లో నటించింది. ఆ తర్వాత ‘అన్నవరం’ సినిమాలో పవన్ కళ్యాణ్ చెల్లెలి పాత్రలో నటించింది. కానీ ఆ తర్వాత తెలుగులో అంతగా ఆఫర్లు రాకపోవడంతో తమిళ ఇండస్ట్రీకే మకాం మార్చేసింది.