సెన్సార్ పూర్తిచేసుకున్న చెర్రీ ‘బ్రూస్ లీ’

Posted: 10/12/2015 06:10 PM IST

Ram charan brucelee movie censor process completed

శ్రీనువైట్ల దర్శకత్వంలో తెరకెక్కిన ‘బ్రూస్ లీ - ది ఫైటర్’ అన్ని పోస్ట్ ప్రొడక్షన్ కార్యక్రమాలను పూర్తి చేసుకుంది. తొలి కాపీని సిద్దం చేసుకున్న ఈ చిత్ర టీం ఈ రోజు ఫైనల్ కాపీని సెన్సార్ ముందుకు పంపింది. సెన్సార్ కార్యక్రమాలను పూర్తి చేసుకున్న ఈ చిత్రానికి సెన్సార్ బోర్డ్ U/A సర్టిఫికెట్ ను అందజేసారు.

ఫ్యామిలీ ఎంటర్ టైన్మెంట్స్ తో పాటు భారీ యాక్షన్ సన్నివేశాలు కూడా వుండటంతో U/A సర్టిఫికెట్ దక్కింది. మెగాపవర్ స్టార్ రాంచరణ్ తేజ, రకూల్ ప్రీత్ సింగ్ జంటగా నటించిన ఈ చిత్రాన్ని డివివి ఎంటర్ టైన్మెంట్స్ బ్యానర్ పై ప్రముఖ నిర్మాత డివివి దానయ్య నిర్మించారు.

థమన్ సంగీతం అందించిన ఈ చిత్ర ఆడియో ఇటీవలే విడుదలై భారీ బ్లాక్ బస్టర్ హిట్ టాక్ ను సొంతం చేసుకున్నాయి. పవర్ ఫుల్ యాక్షన్, ఫ్యామిలీ ఎంటర్ టైనర్ గా రూపొందుతున్న ఈ చిత్రాన్ని అక్టోబర్ 16న ప్రపంచ వ్యాప్తంగా తెలుగు, తమిళం భాషలలో ఘనంగా విడుదల చేయనున్నారు.