సోగ్గాడే చిన్ని నాయన టీజర్ రిలీజ్

Posted: 08/29/2015 11:38 AM IST

Akkineni nagarjuna soggade chinni nayana first look teaser released

టాలీవుడ్ మన్మథుడు అక్కినేని నాగార్జున చాలాకాలం గ్యాప్ తర్వాత నటిస్తున్న తాజా చిత్రం ‘సోగ్గాడే చిన్ని నాయన’. ఈ చిత్రంలో నాగార్జున ద్విపాత్రాభినయంలో నటిస్తుండగా.. అతని సరసన రమ్యకృష్ణ, లావణ్య త్రిపాఠీలు హీరోయిన్లుగా నటిస్తున్నారు.

ఇటీవల రామోజీ ఫిల్మ్ సిటీలో చివరి షెడ్యూల్ తో షూటింగ్ పూర్తి చేసుకున్న ఈ సినిమాకి సంబంధించి విడుదలైన ఫస్ట్ లుక్ పోస్టర్లు, మరికొన్ని ఫోటోలకు మంచి రెస్పాన్స్ వచ్చింది. ఇప్పుడు తాజాగా నాగార్జున బర్త్ డే సందర్భంగా ఆ మూవీ టీజర్ ని విడుదల చేశారు. చాలా సింపుల్ గా వున్న ఈ టీజర్ కు మంచి కామెంట్లే వచ్చిపడుతున్నాయని ఇండస్ట్రీ వర్గాల సమాచారం. సోషియో ఫాంటసీ తరహాలో ‘సోగ్గాడే చిన్నినాయన’ చిత్రం రూపొందనుంది.

ఈ సినిమా షూటింగ్ దాదాపు పూర్తవ్వడంతో పోస్ట్ ప్రొడక్షన్ పనులు శరవేగంగా జరుగుతున్నాయి. అన్నపూర్ణ స్టూడియోస్ బ్యానర్ పై నాగార్జున నిర్మిస్తున్న ఈ చిత్రం ద్వారా కళ్యాణ్ కృష్ణ దర్శకుడిగా పరిచయం అవుతున్నాడు. రాధామోహన్ కథ, స్ర్కీన్ ప్లేను అందిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది.

AS