మారి టీంను గోల్డ్ చైన్ లతో సత్కరించిన ధనుష్

Posted: 07/22/2015 05:16 PM IST

తమిళంలో ధనుష్ మాస్ రౌడీ పాత్రలో నటించిన ‘మారి’ చిత్రం ఇటీవలే విడుదలై మంచి విజయాన్ని సొంతం చేసుకుంది. ‘మారి’ సినిమా విజయం సాధించడంతో ధనుష్ ఫుల్ హ్యాపీగా వున్నాడు. తన సంతోషాన్ని తన తోటినటులతో కూడా పంచుకొని, వారిని కూడా సంతోషపరిచాడు.

‘మారి’ చిత్రానికి పనిచేసిన అనిరుధ్, రోబో శంకర్, విజయ్ యేసుదాస్, బాలాజీ మోహన్ మరియు తదితరులకు ధనుష్ గోల్డ్ చైన్ ను బహుమతిగా ఇచ్చి, వారిని ప్రశంసించారు. ‘మారి’ సినిమా సక్సెస్ వీరంతా కూడా ఫుల్ ఖుషీలో వున్నారు.

ధనుష్, కాజల్ హీరోహీరోయిన్లుగా నటించిన ఈ చిత్రానికి బాలాజీ మోహన్ దర్శకత్వం వహించారు. అనిరుధ్ సంగీతం అందించారు. ఈ చిత్రం అన్నిచోట్ల పాజిటివ్ టాక్ తో విజయవంతంగా ప్రదర్శించబడుతోంది.