ధనుష్ మారి ఆడియో ట్రాక్ లిస్ట్

Posted: 06/06/2015 11:56 AM IST

‘కొలవేరి..’ పాటతో ప్రపంచ వ్యాప్తంగా భారీ క్రేజ్ ను సొంతం చేసుకున్న ధనుష్ ప్రస్తుతం ‘మారి’ అనే తమిళ చిత్రంలో నటిస్తున్నాడు. ఈ చిత్రానికి యువ సంగీత దర్శకుడు అనిరుధ్ సంగీతం అందిస్తున్నాడు. ఈ సినిమాతో ధనుష్ మరోసారి రచ్చ చేయడానికి సిద్ధమయ్యాడు.

ఈ చిత్ర ఆడియో విడుదల కార్యక్రమం రేపు చెన్నైలో ఘనంగా జరుగనుంది. ఈ ఆడియోకు సంబంధించిన పాటల ట్రాక్ లిస్ట్ పోస్టర్ ను విడుదల చేసారు. ఆ ట్రాక్ లిస్ట్ మీకోసం అందిస్తున్నాం మీరు ఓ లుక్కేయండి. ఇక ఇప్పటికే విడుదలైన ఈ చిత్ర టీజర్ కు మంచి రెస్పాన్స్ వచ్చింది.

ధనుష్ సరసన కాజల్ అగర్వాల్ హీరోయిన్ గా నటిస్తుంది. బాలాజీ మోహన్ దర్శకత్వంలో తెరకెక్కుతున్న ఈ చిత్రాన్ని ఆర్.శరత్ కుమార్, ఆర్.రాధిక శరత్ కుమార్, లిస్టిన్ స్టీఫెన్ సంయుక్తంగా నిర్మిస్తున్నారు. కమర్షియల్ మాస్ యాక్షన్ చిత్రంగా రూపొందిన ఈ ‘మారి’ విడుదలయ్యాక ఎలాంటి విజయం సాధించనుందో త్వరలోనే తెలియనుంది.