మొదటి భాగంలో ఒకరైతే.. రెండో చిత్రంలో ఇద్దరు!

Posted: 06/02/2015 11:05 AM IST

Pawan kalyan romance two heroines gabbar singh 2 anisha ambrose

రెండేళ్ల నుంచి అదిగోఇదిగో ఇప్పుడు సెట్స్ మీదికెళుతుందంటూ వాయిదా పడుతూ చివరికీ మే 29వ తేదీన పవర్ స్టార్ పవన్ కల్యాణ్ ‘గబ్బర్ సింగ్-2’ చిత్రం షూటింగ్ ప్రారంభమైంది. ‘పవర్’ వంటి పవర్ ఫుల్ చిత్రాన్ని తెరకెక్కించిన బాబీ దర్శకత్వంలో రూపొందుతున్న ఈ చిత్రం షూటింగ్ మహారాష్ట్రాలోని పూణే సమీపంలో ఒక గ్రామందగ్గర షూటింగ్ నిర్వహిస్తున్నారు. ఆర్ట్ డైరెక్టర్ ఆనంద్ సాయి దర్శకత్వంలో ఒక ప్రత్యేక భారీ సెట్ ని రూపొందించారు. పవన్ ఇంట్రొడక్షన్ సీన్ కోసం దీనిని రూపొందించినట్లు తెలుస్తోంది.

ఇక ఈ చిత్రంలో ఇద్దరూ హీరోయిన్లు నటిస్తున్నట్లు సమాచారం! ఇప్పటికే అనీషా ఆంబ్రోస్ మొదటి హీరోయిన్ గా ఎంపిక కాగా.. మరో నాయికకు ఈ సినిమాలో స్థానముందని.. ప్రస్తుతం రెండో హీరోయిన్ పాత్రకోసం అన్వేషణ జరుగుతోందని తెలిసింది. ఆ రెండో హీరోయిన్ పాత్ర ఈ చిత్రానికి ఎంతో కీలకమైందని.. ఆ పాత్రకు తగ్గట్టు తారను ఎంపిక చేస్తున్నారని యూనిట్ బృందం తెలిపింది. దీంతో.. మొదటి చిత్రంలో శృతితో రొమాన్స్ చేసిన పవన్.. ఈ చిత్రంలో ఇద్దరి భామల నడుమ లీలలు నడపనున్నట్లు ఇండస్ట్రీలో చెప్పుకుంటున్నారు. అయితే.. ఇందుకు సంబంధించి ఇంకా అధికారిక ప్రకటన వెలువడాల్సి వుంది. త్వరలోనే మరిన్ని వివరాలను వెల్లడించనునట్లు యూనిట్ తెలుపుతోంది.

ఈ సినిమాని నిర్మాత శరత్ మరార్ భారీ బడ్జెట్ వెచ్చించి నిర్మిస్తున్నారు. దేవీ శ్రీ ప్రసాద్ సంగీతం అందిస్తున్న ఈ చిత్రం షూటింగ్ లో ప్రముఖ నటీనటులు త్వరలోనే జాయిన్ కానున్నారు. ఈ చిత్రం షూటింగ్ చకచకా ముగించుకుని.. వచ్చే ఏడాది సంక్రాంతి కానుకగా రిలీజ్ చేసేందుకు చిత్రబృందం సన్నాహాలు చేస్తున్నట్లు తెలుస్తోంది.