విడుదలకు ముందే పాజిటివ్ టాక్ తో అసుర

Posted: 05/25/2015 10:59 AM IST

నారా రోహిత్ ‘అసుర’ చిత్రం విడుదలకు సిద్ధమవుతోంది. నారారోహిత్ సమర్పణలో దేవాస్ మీడియా అండ్ ఎంటర్ టైన్మెంట్, కుషాల్ సినిమా, ఆరన్ మీడియా వర్క్స్ పతాకాలపై శ్యామ్ దేవభక్తుని, కృష్ణవిజయ్ సంయుక్తంగా నిర్మిస్తున్న ఈ చిత్రానికి కృష్ణ విజయ్ దర్శకత్వం వహిస్తున్నాడు.

నారా రోహిత్ సరసన ప్రియా బెనర్జీ హీరోయిన్ గా నటించింది. సాయికార్తీక్ సంగీతం అందించిన పాటలు ఇటీవలే విడుదలై మంచి టాక్ ను సొంతం చేసుకున్నాయి. అలాగే పోస్టర్లు, ట్రైలర్లకు మంచి స్పందన వచ్చింది. అయితే తాజాగా ‘అసుర’ సెన్సార్ కార్యక్రమాలను పూర్తి చేసుకుంది.

సెన్సార్ వారు ఈ చిత్రానికి ‘U/A’ సర్టిఫికెట్ ను అందజేసారు. తాజా సమాచారం ప్రకారం... ఈ చిత్రం నారా రోహిత్ కు మంచి విజయాన్ని అందించనుందని తెలిసింది. ‘అసుర’ సినిమాకు సెన్సార్ బోర్డు నుంచి మంచి పాజిటివ్ టాక్ వచ్చినట్లుగా తెలిసింది. ఈ చిత్రాన్ని త్వరలోనే ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు.