డబ్బులకి బదులుగా అందాల ఆరబోతకు రెడీ!

Posted: 04/23/2015 04:25 PM IST

Shruti hassan special song deal pvp banner size zero movie updates

ఇటీవలే సెక్సీనటి శృతి హాసన్, పివిపి వారి పిక్చర్ హౌస్ మీడియా ప్రైవేట్ లిమిటెడ్ కు మధ్య ఓ వివాదం చెలరేగిన విషయం తెలిసిందే! ఈ అమ్మడు తెలుగు, తమిళ, హిందీ భాషాచిత్రాలతో ఫుల్ బిజీగా వున్నప్పటికీ.. ఆ సంస్థ నిర్మించే ‘నాగార్జున-కార్తీ’ మల్టీస్టారర్ నటిస్తానంటూ ముందు ఒప్పందం కుదుర్చుకుంది. ఆమె పాత్రమేరకు కొంత షూటింగ్ కూడా పూర్తి చేసింది. అయితే.. ఇప్పటికే తన చేతిలో ఇబ్బడిముబ్బడిగా ఆఫర్లు వున్న నేపథ్యంలో ఈ మూవీకి డేట్స్ అడ్జస్ట్ చేసుకోలేకపోయింది. దీంతో ఏం చేయాలో తోచక అమ్మడు ఆ మూవీ నుంచి సడెన్ గా డ్రాప్ అయింది!

అంతే.. ఈ మల్టీస్టారర్ మూవీని నిర్మిస్తున్న సంస్థ ఈమెపై ఆగ్రహం వ్యక్తం చేస్తూ కేసు నమోదు చేసింది. అటు నుంచి ఆమె కూడా ఈ కేసుకు వ్యతిరేకంగా వాదనలు వినిపిస్తూ వచ్చింది. మొత్తానికి ఈ వ్యవహారం కోర్టుకెళ్లింది. అక్కడ ఇద్దరి మధ్య కొన్నాళ్లపాటు బాగానే వాగ్వాదం జరిగింది. అయితే.. ఇంతలోనే పివిపి నిర్మాణ సంస్థ కేసు విత్ డ్రా చేసుకోవడంతో ఆ వివాదం సద్దుమణిగింది. తమిళ్ ఫిల్మ్స్ ప్రొడ్యూసర్ కౌన్సిల్, సౌత్ ఇండియా ఫిల్మ్ ఆర్టిస్ట్స్ అసోషియేషన్ ఇద్దరూ కలిసి ఈ విషయాన్ని డీల్ చేసారు. అయితే.. ఈ సినిమాలోని ఈమె పాత్రకోసం చేసిన ఖర్చును తిరిగి వెనక్కి ఇవ్వాలంటూ పివిపివారు డిమాండ్ చేస్తున్నారు.

ఈ సినిమాకోసం శృతి హాసన్ కి 10 లక్షల అడ్వాన్స్ తో పాటు, తన కాస్ట్యూమ్స్ కి 8 లక్షలు ఖర్చు చేసినట్లు పివిపివారు తెలిపారు. ఆ మొత్తాన్ని తిరిగి కట్టాలని వారు డిమాండ్ చేయగా.. అమ్మడు ఆ డబ్బులకు బదులుగా వారికి ఓ బంపరాఫర్ ఇచ్చింది. ఆ డబ్బుకు బదులుగా ఫ్రీగా అనుష్క ప్రధాన పాత్రలో నటిస్తున్న ‘సైజ్ జీరో’ చిత్రంలో ఓ స్పెషల్ సాంగ్ చేస్తానని తెలిపింది. అందుకోసం వారు అడిగిన 4 రోజుల డేట్స్ కూడా ఇచ్చింది.

నిజానికి ‘సైజ్ జీరో’లో శృతి ఓ కీ రోల్, ఓ స్పెషల్ సాంగ్ చేయడానికి ఇదివరకే ఒప్పందం కుదుర్చుకుంది. అందుకు అప్పట్లో భారీగా రెమ్యునరేషన్ డిమాండ్ చేసింది కూడా. అయితే.. ఇప్పుడు ఆ రెండింటిని ఈ అమ్మడు ఫ్రీగా చేయనుంది. ఒకవేళ మళ్ళీ చివర్లో శృతి ఆ సాంగ్ చేయకపోతే తమ డబ్బులు తిరిగి వెనక్కి ఇవ్వాలని పివిపివారు ముందే సూచించారట!