సూర్య 24 టైటిల్ పై అనిల్ కపూర్ ఆగ్రహం

Posted: 04/11/2015 03:05 PM IST

తమిళ నటుడు సూర్యకు నోటీసులు పంపడానికి సిద్ధమవుతున్న బాలీవుడ్ నటుడు అనిల్ కపూర్. సూర్య హీరోగా ప్రముఖ దర్శకుడు విక్రమ్ కుమార్ దర్శకత్వంలో ‘24’ అనే చిత్రం తెరకెక్కనున్న విషయం తెలిసిందే. అయితే ప్రస్తుతం ఈ టైటిల్ వివాదం తెచ్చిపెట్టింది. ఏకంగా బాలీవుడ్ నటుడు అనిల్ కపూర్ ఈ టైటిల్ విషయంపై చాలా సీరియస్ గా వున్నారు.

ఇదే విషయంపై అనిల్ కపూర్ స్పందిస్తూ... ఇదే ‘24’ టైటిల్ ను తాను రిజిస్టర్ చేయించుకున్నానని... దీనిపై సర్వహక్కులు తనకే వున్నాయంటూ చెబుతున్నాడు. అయితే ఈ విషయంపై ముందుగా సూర్య మరియు ఆ చిత్ర యూనిట్ తో తాను మాట్లాడతానని... ఒకవేళ వాళ్లు మాట వినకపోతే లీగల్ నోటీసులు తప్పవని స్పష్టం చేసాడు.

మరి ఈ విషయంపై సూర్య ‘24’ చిత్ర యూనిట్ ఎలా స్పందించనుందో త్వరలోనే తెలియనుంది. ప్రస్తుతం సూర్య నటిస్తున్న ‘మాస్’ చిత్రం విడుదలకు సిద్ధమవుతోంది. ఇటీవలే విడుదలైన స్టిల్స్ కు మంచి స్పందన వస్తోంది.